Medalyang pirak

An medalyang pirak sa isports asin iba pang kaagid na mga langtad na imbwelto an kompetisyon iyo an medalyang gibo sa, o tubog sa, pirak na iginagawad sa ikaduwang-lugar na paratapos, o runner-up, nin mga patiribayan o kompetisyon na arog baga kan Olimpikong Karawat, Karawat sa Commonwealth, asin iba pa. An direktang ganador nag-aako nin medalyang bulawan asin an ikatolo minaako nin medalyang bronse. Mas pankagabsan, an pirak tradisyonal na sarong metal na kun minsan ginagamit para sa gabos na klaseng medalyang halangkaw an kalidad, kaiba an mga artistiko.

An Olimpikong medalyang pirak kan 1896.

Isport

Sa dakul na isport na igwa nin eliminasyon na torneo, kabali idtong igwang third place playoff (siring kan Olimpikong ice hockey, Olimpikong soccer, FIFA World Cup), an pirak iyo an solamenteng medalya na itinao sa koponan na nadaog sa huring karawat, kun saen an bulawan asin bronse iyo an ginanar kan mga koponan na nanggana sa saindang huring ralaban. An mga notableng atleta siring ninda Jocelyne Larocque (2018 Olympics) tinangkas an saindang runners-up/medalyang pirak pagkatapos na maresibe sinda; minandohan sa huri si Larocque kan opisyal kan International Ice Hockey Federation na isulot giraray an saiyang medalyang pirak.