Medalyang bulawan

An medalyang bulawan iyo medalyang itinao para sa pinakahalangkaw na nagibo sa sarong bakong militar na langtad. An ngaran kaiyan nakukua sa paggamit nin kisuerra sarong parte nin bulawan sa porma nin pagtubog o pag-salak nin ibang metal sa pagkagibo kaiyan.

An medalyang bulawan, pirak asin bronse kan 1964 Olimpikong Karawat sa Taglipot (Olympic Museum).

Poon kan ikakagwalong siglo, an mga medalyang bulawan an iginawad sa mga arte, halimbawa, kan Royal Danish Academy of Fine Arts, na sa parate bilang simbolo nin premyo tanganing tawan nin pinansiyal na katalingkasan an sarong nangungurog na estudyante. An iba iinaalok sana an prestihiyo kan premyo. Dakol na organisasyon an nagtatao ngonyan nin mga medalyang bulawan kun bakong taon-taon o ekstraordinaryo, kabale an manlaenlaen na akademikong sosyedad.

Mantang an nagkapirang medalyang bulawan iyo an solidong bulawan, an iba mga tinubog na bulawan o silver-gilt, arog kan sa Olimpikong Karawat, Lorentz Medal, Congressional Gold Medal kan Estados Unidos asin medalyang Premyo Nobel. An mga medalya kan Premyo Nobel binibilog nin 18 karat na berdeng bulawan na tinubog nin 24 karat na bulawan. Bago kan 1980, sinda tinamaan sa 23 karat na bulawan.

Ginikanan sa militar

Bago an establisimyento kan estandarteng premyong militar, e.g., an Medal of Honor, iyan nagin komun na kaugalian na magkaigwa nin espesyal na ginibo tanganing maka-provide sa nasyonal rekognisyon para sa signipikanteng militar o naval na kapangganahan o accomplishment. Sa kongreso kan Estados Unidos, tinatawan nin resolusyon na naghahagad sa Presidente na tawan nin reward an siisay man na responsible. An nagmamandong opisyal nakakaresibi nin medalyang bulawan asin an saiyang mga opisyal nakakaresibi man nin mga medalyang pirak.