Matsya
Si Matsya (Sanskrito: मत्स्य, lit. sira) an sira na avatar kan diyos na Hindu na si Vishnu.[1] Sa parate ilinaladawan bilang an enot sa sampulong pangenot na avatar ni Vishnu, si Matsya sinasabing ilinigtas an enot na tawo, si Manu, sa sarong dakulang delubyo.[2] Si Matsya pwedeng iladawan bilang sarong higanteng sira, parati bulawan an kolor, o anthropomorpikal na torso ni Vishnu na nakatakod sa pan-ibaba na kabanga nin sira.
An kaenot-enoteng pagkasaysay dapit ki Matsya yaon sa Shatapatha Brahmana, kun saen si Matsya dai kaayon sa ano man na partikular na dios. Sa huri, an sira na tagapagligtas nakisumaro sa identidad ni Brahma sa post-Vedic era, asin sa huri pa, nagigin tinatratar na ki Vishnu. An mga leyenda na konektado ki Matsya naglalakop, nag - ebolusyon, asin nagkakalaenlaen sa mga tekstong Hindu. An mga osipon na ini igwa nang simbolismo, kun saen an sarong sadit na sira na may proteksyon ni Manu nagtatalubo tanganing magin dakulang sira, asin an sira nagligtas sa tawo na magigin luluhon kan sunod na rasa nin katawohan.[3] Sa mga nahuring bersyon, si Matsya nanggadan nin saróng demonyo nagngangaran Hayagriva (aki nin sagang Kashyapa asin Diti) na naghahabon sa Vedas, asin sa siring inoomaw bilang paraligtas kan mga teksto.[4]
An osipon iyo an sinurat na may mga motif na baha, na lakop sa ibong nin mga kultura.
Toltolan
baguhon- ↑ Bandyopadhyaya, Jayantanuja (2007). Class and Religion in Ancient India (in English). Anthem Press. p. 136. ISBN 978-1-84331-332-8.
- ↑ Valborg, Helen (2007). Symbols of the Eternal Doctrine: From Shamballa to Paradise (in English). Theosophy Trust Books. p. 313. ISBN 978-0-9793205-1-4.
- ↑ Dalal, Roshen (2014-04-18). Hinduism: An Alphabetical Guide (in English). Penguin UK. ISBN 978-81-8475-277-9.
- ↑ Ninan, M. M. (2008-06-23). The Development of Hinduism (in English). Madathil Mammen Ninan. p. 234. ISBN 978-1-4382-2820-4.
