Mary Rose A. Combate
Si Mary Rose A. Combate, mas bisto sa gaha na “Mary”. Siya may edad na baynte-sais, tubong Calabanga, Camarines Sur, asin sarong Bikolanong parasurat. Siya nagtapos nin pagklase sa kolehiyo sa eskwelahan kang Central Bicol State University of Agriculture - Calabanga asin nakakua nin manlain-lain na honorable arog kang Honorable Mention in Poetry Making contest, tigsunudan kang pagigin parte kang Takatak na ipinublikar kan Savage Mind, asin Dagling Sinulat ng mga Kababaihan kan & Eyes Production.
An inot niyang sinurat ining tula na may titulong Esperma kun sain siya nabisto kan kadaklan.
Ang rason niya kung tanu siya nagsusurat, ini ta gusto niya madiskubri utro ang kaugmahan kang saiyang pagkaaki sa pagsusurat asin ini ang saiyang gustong gibuhon. Asin nagsusurat siya tanganing maisaboot niya ang malain lain na istorya asin eksperyensya sa saiyang buhay. Kadakol siyang naagihan mga kadipisilan sa pag surat, saro na ining kasakitan sa pagbuo nin mga istorya, pagtao nin mga pangaran sa mga karakter asin ang saiyang kagustuhan na magtao nin halaba na repleksyon kang saiyang surat sa buhay kang mga nagbabasa. Pero, sa likod kang mga malain lain na kadipisilan, yaon man itong paninindugan niya sa pagsurat na dawa anong mangyari, masurat siya. Ini ang naging kaputan niya tanganing ipadagos asin maging maurag sa pagsurat. Iyan man ang saiyang gustong ipaabot sa mga tao na gusto magsurat, magpursigi asin dae mapagal sa pagsurat. Ibuhos ang puso asin talento sa pagsurat tanganing makagibu ning espesyal na suraton. Sa huri, magsurat na may padudumanang maray.