Mary Grace Lucila

Si Mary Grace Lucila na sarong Bikolanang parasurat, iminundag sagkod nag iirok sa San Francisco Calabanga Camarines Sur. Sa presenteng taon, siya nasa ika tulong taon na sa kolehiyo na kinukua an kurso na Bachelor of Arts in Journalism sa saro sa bistadong iskwelahan sa Bicol, iyo an Bicol University (BU). Saro man siyang para surat, taga-pabareta, saka miyembro kan sarong opisyal na student publication sa nasambitan na iskwelahan, iyo an Budyong Online. Ginagampanan niya man an pagiging creative content officer sa panliteraturang organisasyon, iyo an Official BONJour.

Sa hubin na edad nagpamalas na siya ning manlain-lain sa kakayahan sa sining sagkod panitikan, dahilan para makakua nin mga mang iba-ibang prestihiyosong parangal. Sa naka aging taon, bulan nin Disyembre saro siya sa partisipante kan 11th Saringsing National Writers Workshop na ginanap Sa La Caseria Canaman, kaiba an iba pang parasurat hali sa manlain-lain na lugar igdi sa Bicol na sina Jerald Bermas hali sa Bula, Camarines Sur, Yuviah Carballo hali sa Camalig, Albay, John Leonard Collantes hali sa Caramoran, Catanduanes, Christian Oliver hali sa Goa, Camarines Sur saka Froy Rimando hali sa Lagonoy, Camarines Sur. Ini pinanginutan kan ngunyan nin taon na workshop director kan nasabing organisasyon na si Mr. Edwin Breva Jr. saka mga miyembro kan Parasurat Bikolnon na nagsilbing panelists kan nasabing okasyon na sina Mr. Irvin Sto. Tomas, Ms. Eilyn Nidea, Mr. Jerome M. Hipolito, Mr. Elbert Baeta, Mr. Buboy Aguay, Ms. Edna Campana sagkod ipinabatid man ni Mr. Marvin Aquino saka Historian Danilo Gerona an leksyon manungod sa “The Bikol Language and the Construction of Regional Identity”.