Malé Declaration on the Human Dimension of Global Climate Change
An Malé Declaration on the Human Dimension of Global Climate Change sarong kasunduan na ginibo kan mga representante kan magkapirang Small Island Developing States na nagtiripon tanganing pirmahan an deklarasyon kan Nobyembre 2007. Katuyuhan kan Deklarasyon na maglatag nin malinaw na estratehiya tanganing pagtakudon an pagbago kan klima asin an mga karapatan pantawo. An Deklarasyon naghingua man na baguhon an adyenda kan kampanya sa paglaban sa pagbago kan klima gikan sa pagtutok sana sa mga pankapalibutan na epekto kan pagbago kan klima.[1] Linilinaw kan Deklarasyon na an karapatan sa marhay na kapalibutan sarong kahagadan tanganing mapangyari an iba pang pundamental na mga karapatan pantawo.[2]
An pagbago nin klima sa Maldives, sarong signataryo kan Deklarasyon asin na an kabisera kaining Malé an nagtaong ngaran sa dokumento, nagpupuon nang makaapektar sa mga karapatan pantawo kan populasyon. Bilang siring, an Maldives asin iba pang islang nasyon nagpuon na magbilog nin internasyunal na koalisyon na naggagamit nin karapatan pantawo bilang preymwork sa paglabas sa pagbabago kan klima. An koalisyon na pinag-uulayan iyo nag-organisar nin mga pagtiripon sa topiko kan Deklarasyon sa Geneva, Ney York, asin Malé.[3]
United Nations
baguhon
An mga signataryo kan Deklarasyon nakiulay sa UN Human Rights Council na isentro an atensyon kaini sa mga epekto nin pagbago kan klima asin sa karapatan pantawo. Bilang simbag, Office of the High Commissioner for Human Rights an inot na pag-adal na nagpapamidbid sa espesipikong mga paagi na an pagbago kan klima nakakaulang sa lubos na pagkaigwa nin mga karapatan pantawo, idinuduon na an mga nasyon igwang obligasyon na magtarabangan tanganing protektaran an mga karapatan pantawo laban pagbago kan klima. Sa espisipikong pagtaram, itinampok kan report an nagkapirang pundamental na karapatan na namemeligro, kaiba an karapatan sa buhay, salud, hustong pamantayan nin pagbuhay, asin self-determination.[4]
Susugan
baguhon- ↑ Kyung-wha, Kang (14 December 2007). Climate Change and Human Rights (Speech). Conference of the Parties to the United Nations Framework Convention on Climate Change and its Kyoto Protocol. Bali, Indonesia. Retrieved 20 April 2021.
- ↑ Kyung-wha, Kang (14 December 2007). Climate Change and Human Rights (Speech). Conference of the Parties to the United Nations Framework Convention on Climate Change and its Kyoto Protocol. Bali, Indonesia. Retrieved 20 April 2021.
- ↑ Limon, Marc (16 February 2017). "The Small Island Perspective on Agenda-Setting in Climate Change and Human Rights". UCL. Retrieved 20 April 2021.
- ↑ Knox, John (15 November 2015). "Climate Change and Human Rights: Three Benefits of a Human Rights Perspective on Climate Change". Global Policy. Retrieved 20 April 2021.
