Makruh

Sa Islamikong terminolohiya, an sarong bagay na makruh (Arabiko: مكروه transliterado: makrooh o makrūh) iyo an sarong gawe na dai gusto o nakakakulog nin boot (literalmente "makababalde" o "abominable"). Ini an saro sa limang kategorya (al-ahkam al-khamsa) sa Islamikong ley - wajib/fard (obligatoryo), mustahabb/mandub (rekomendado), mubah (neutral), makruh (bakong aprubado), haram (ipinapangalad).

Minsan ngani an sarong gaweng makruh bakong haram (ipinapangalad) o isasairarom sa kapadusahan, an sarong tawo na naglilikay sa aktong ini tatàwan nin onra. Dinadagka an mga Muslim na likayan an siring na mga gawe-gawe kun posible. Saro iyan sa mga grado nin pag-oyon (ahkam) sa ley na Islamiko.

Pigkonsiderar an mga gawe na makruh pwedeng magin manlaenlaenaen sa iba-ibang madhhab huli sa nagkakaibang mga interpretasyon nin iskolar sa Quran asin Hadith, sa mga iskolar na Hanafi partikular na naiiba sa iba pang mga madhhab dapit sa klasipikasyon kan mga makruh.