Luha

An mga luha iyo an nagluluwas na likido gikan sa glandulang lakrimal o glandula kan luha. Nagbubulos ini paibaba mantang nasa ibabaw kan mata, na nagkakawsa nin pagkabasa kan mata, asin nagbubulos man sa talukap kan mata. Nakakahugas nin ati gikan sa mga mata an mga bulos kan luha, asin igwa man nin panlinig o antiseptikong karakteristiko asin hiro. Inaapod na lakrimasyon, gikan sa Ingles na lacrimation o lachrymation an proseso nin pagluha, asin ginagamit man sa medikal o panliteraturang ideya para sa paghibi. Mapupwedeng umabot sa pagluha an makuring mga namamatian siring kan kamunduan o kaogmahan, magin an proseso nin paghagab. Minsan siring na igwa nin sistema nin lakrimasyon o sistemang panluha an gabos na pandagang mga mamalya tanganing mapagdanay na basa an saindang mga mata, an tawo an solamenteng mamalyang pankagabsan na inaako na maghibi nin mga luhang may namamatian.

Luha nin tawo

A) glandula kan luha / glandulang lakrimal B) pang-itaas na lakrimal na punctum o punktum {rehiyon nin labot o luwasan} C) pang-itaas na lakrimal na kanal o bulusan na lakrimal D) sako o supot kan luha / sakong lakrimal E) pan-ibabang lakrimal na punctum o bulusan F) pan-ibabang lakrimal na kanal o bulusan na lakrimal G) kanal o bulusan na nasolakrimal {yaon sa may dungo}