Lorenzo Aguirre
Si Lorenzo Victoriano Aguirre Sánchez (14 Nobyembre 1884 – 6 Oktobre 1942) sarong Espanyol na pintor. Siya nagtrabaho man bilang karikaturista, paragibong poster asin paradesenyo.
| Lorenzo Aguirre | |
|---|---|
 Lorenzo Aguirre (bago kan taon 1910?) | |
| Kamundagan | Nobyembre 14, 1884 Pamplona, Espanya |
| Kagadanan | Oktobre 6, 1942 (edad 57) Madrid, Espanya |
Dahilan kan kagadanan | Execution by garrote |
| Nasyunalidad | Espanyol |
| Trabaho | Pintor |
Biograpiya
baguhonSiya namundag sa Pamplona, alagad an saiyang mga magurang naghubo' sa Alicante kan siya nag'eedad pa sanang apat asin enot na mga leksyon niya sa arte kan siya edad na onse ki Lorenzo Casanova.[1] Kan 1899 siya nagpasiring Madrid, kun saen siya nag'klase sa Real Academia de Bellas Artes de San Fernando asin siya nagin nagin maestro sa drowing drowing sa "Escuela Especial de Pintura, Escultura y Grabado", sarong sangang eskwelahan kan Akademya, kan 1904.[2] Anom na taon nakalihis, siya nagpaduman sa Paris, kun saen siya nagtrabaho sa pagdesenyo sa set kan Paris Opera.[3] Siya nagkua man mga leksyon pribado ki Alice Bailly.[1]
Sa pagpuli niya sa saindang banwaan, an pinakaenot na paeksibit niyang solo ginibo kan 1919 sa Ateneo de Madrid.[1] Pasige an saiyang paeksibit asin siya guminana nin mga premyo, kabali an nagana niyang ikatolong lugar na medalya sa National Exhibition of Fine Arts kan 1922 asin an pagkagana niya kan ikaduwang lugar na medalya kan 1926. Kan 1925, guminana siya nin mayor na pasib sa International Exhibition of Modern Industrial and Decorative Arts.[3]
Sa lawig kan saiyang buhay, siya nagtatabang pagorganisar kan mga kapiyestahan para sa Bonfires of Saint John. Siya prominente man na myembro kan Partido Komunista asin agit-agitan na Republikano.[1]
Kan 1931, kan matugdas an Ikaduwang Republika, siya mas nagrarom an pagkaimbwelto sa politika.[1] Durante kan Gera Sibil nin Espanya, siya suminunod sa gobyerno Republikano; enot sa Valencia, dangan sa Barcelona.[2] An saiyang pagkadayupot sa lehitimong gobyerno nagpirit saiya asin saiyang pamilya na magdurulag pasiring sa Pransya pakatapos kan gera. Pakauntok ngona sa Paris, siya nagpasiring sa Le Havre ta may isip siyang magemigrante sa Amerika.[1]
Alagad huli kan Pagfsakyada kan Alemanya kan 1940, napiritan siyang magdulag pasiring sa habagatan asin ta naaresto siya kan siya naghihingowa na makabalyo sa border. Dinara siya sa Ondarreta Prison sa San Sebastián, kun saen dakulon na mga Republikano an detenido, dangan siya nalipat sa Porlier Prison sa Madrid. Duman siya ginarote kan 1942, edad 59, akusado soboot sa paggatong sa "rebelyon".[1]
Mga mayor na eksibit kan saiyang mga obra giniribo sa Bilbao (1986), Pamplona asin Barcelona (durungan kan 1999)[2] and Alicante, at the Gravina Museum of Fine Arts (2003).[4] Duwa kan saiyang mga aking babae nagin man mga bantogan; si Jesusa (nmdg. 1932) bilang artista asin si Francisca (nmdg. 1930) komo sarong poeta. Si Carlos Martínez Aguirre na sarong poeta man, saiyang makuapo.[5]
Toltolan
baguhon- ↑ 1.0 1.1 1.2 1.3 1.4 1.5 1.6 Brief biography @ the Auñamendi Eusko Entziklopedia.
- ↑ 2.0 2.1 2.2 Brief biography @ MCN Biografías.
- ↑ 3.0 3.1 Brief biography @ the Museo del Prado.
- ↑ "La Obra Oculta de un Pintor Polifacético @ El País
- ↑ Mesanza, Julio Martínez (29 March 2002). "Carlos Martínez Aguirre, poesía y verdad". Nueva Revista (in Spanish). Retrieved 2 January 2022.
Mga basahon pa
baguhon- Homenaje a Lorenzo Aguirre (1884-1942), (exhibition catalog), presented by the Banco de Bilbao, 1986
- Lorenzo Aguirre olvidado y regresado, in the official magazine of the Bonfires of Saint John: FESTA. Ayuntamiento de Alicante, 2000
Mga panluwas na takod
baguhon| An Wikimedia Commons igwa nin medya dapit sa Lorenzo Aguirre. |
- Lorenzo Aguirre @ Diccionario de Pintores Alicantinos. (with numerous paintings and posters)
- "Una Vida Apasionante y una Muerte Horrenda" @ Alicante Vivo
