Linyang Wallace

An Linyang Wallace o Linya ni Wallace iyo an sarong kasagkoran na kahayupan na ginibong gurit kaidtong 1859 kan sarong naturalistang Briton na si Alfred Russel Wallace asin nginaranan kan sarong biologong Ingles na si T.H. Huxley na nagseseparar sa mga bioheograpikong kinaban kan Asya asin 'Wallacea', sarong transisyonal na rona sa pag-ultanan kan Asya asin Australia pig-aapod man na Kaislahan na Malay asin an Indo-Australian Archipelago. Sa solnopan kan linya manunumpungan an mga organismo na igwang kinaaraman sa mga Asyatikong espesye; sa subangan, an mixture kan mga espesye na igwa nin ginikanan sa Asya asin Australya an makukua. Nanotaran ni Wallace ining malinaw na pagkakabanga sa mga pandagang mamalya asin mga gamgam durante kan saiyang byahe sa Subangan na Kaindyahan kaidtong ika-19 siglo.

An Linyang Wallace iyo an nagseseparar sa mga kahayupan kan Australia asin kan Habagatan-subangan na Asya. Mahihiling sa mga lupain na kulay-abo an posibleng hiwas kan daga kaidtong Huring Glacial Maximum na kun kasuarin labing 111 metrong mas hababa an lebel kan dagat kaysa sa presene. Nagin ulang an hararom na katubigan kan Itiot kan Lombok sa pag-ultanan kan mga isla kan Bali asin Lombok dawa na an mas hababang lebel kan dagat iyo an nagkokonektar sa mga isla asin kadagaan sa duwang kabtang kan itiot.

Nagdadalagan an linya sa Indonesya, siring kan Makassar Strait sa pag-ultanan kan Borneo asin Sulawesi (Celebes), asin nag-aagi sa Lombok Strait sa pag-ultanan kan Bali asin Lombok, kun saen an distansya saditon na marhay, solamenteng haros 35 kilometro (22 mi), alagad maninigo para sa sarong magkabaliktad na mga espesye na presente sa lambang isla. An komplikadong bioheograpiya kan Indo-Australian Archipelago iyo an resulta kan saiyang lokasyon sa merging point kan apat na mayor na tektonikong plato asin iba pang semi-isolated microplates sa kombinasyon kan suanoy na mga level nin dagat. Nagin dahilan kan pagigin isolated kan manlaenlaen na taxonomic groups sa isla sa ngunyan relatibong harani sa lambang saro. An linya ni Wallace iyo an saro sa dakol na kasagkoran na ginurit kan mga naturalista asin biologo poon kaidtong katahawan kan siglo nin 1800 na igwa nin katuyohan to delineate constraints sa distribusyon kan kahayupan asin katinanuman kan kaislahan.