Leonor Orosa Goquingco
Si Leonor Orosa-Goquingco (Hulyo 24, 1917 – Hulyo 15, 2005) sarong artista nasyonal kan Filipinas sa creative dance. Siya natogtog sa pyano, nakurit pinta, nadesenyo nin tanawon asin mga suloton, naiskultor, naakting, nadiriher, nabayle asin nachoreograph. an tagong-ngaran niya Cristina Luna''' asin ta siya binabansagan na Trailblazer, Mother of Philippine Theater Dance asin Dean of Filipino Performing Arts Critics. [1][2]
Pamilya baguhon
Si Leonor Orosa-Goquingco namu ndag kan Hulyo 24, 1917 sa Jolo, Sulu. An mga magurang niya iyo sinda Sixto Orosa asin Severina Luna, pareho mga doktor na nagtarapos sa Unibersidad kan Pilipinas. Siya naagom ni Benjamin Goquinco asin nagkaigwang tolong aki: Benjamin, Jr., Rachelle asin Regina.[3]
Edukasyon baguhon
Si Goquingco nag'entra sa elementarya kan 1929 sa Central Philippine University asin siya nangenotan sa klase bilang valedictorian saNegros Occidental Provincial High School. Naghubo' siya sa Manila ta nag'entra sa Philippine Women's University (PWU) kun saen kinua niya an kursong ACS. Nakamit niya an diploma sa edukasyon, major sa Literaturang Ingles sa St. Scholastica's College Manila asin ta tuminapos siya an summa cum laude. Si Goquingco nagkua man graduate courses sa teatro, drama, asin musika sa Columbia University saka sa Teachers College, Nweba York, E.U. nin Amerika. Siring man, kuminua pa siya nin propesyonal asin pangmaestrong kurso sa Ballet de Monte Carlo.[4]
Mga kahamanan baguhon
Kan 1939, si Leonor Orosa-Goquingco iyo sana an ipinadarang parabayle sa enot na misyon kultural pasiring Hapon., sa edad na 19. Siya nagprodyusir kan Circling the Globe (1939) asin Dance Panorama parehong taon. Siya nagmukna' kan The Elements (1940), an pinakaenot na ballet pig-choreograph nin Filipino sa musikang sinadya. Minukna niya pa an Sports durante kan parehong taon, na tinampok an mga cheerleader, tennis match asin kawat nin baskebol. An pinakaenot na Philippine folkloric ballet, Trend: Return to the Native, pinagbilog ni Goquingco kan 1941. Pagtapos kan Ikaduwang Gerang Pankinaban, siya nag'organisar kan Philippine Ballet asin binuhay niya an istorya sa bantog na nobelang Noli Me Tángere. An Noli Dance Suite konsistido nin magkapirang bayle. Maria Clara asin the Leper, Salome asin Elias, Sisa, Asalto para ki Maria Clara asin Huringhuding iyo an mga pirang bayle makukua sa Noli Dance Suite.
Si Leonor Orosa-Goquingco nagbabayle man kan siya hubin pang gayo. Siya nagbayle na sa American Museum of Natural History, Theresa Kaufmann Auditorium, The International House asin sa Rockefeller Plaza. Siya man mahihiling sa War Dance asin Planting Rice. Iba pang obra na saiyang pig-choreograph iyo an "Circling the Globe", "Dance Panorama", "Current events", "Vinta!", "Morolandia", "Festival in Maguindanao", "Eons Ago: The Creation", "Filipinescas: Philippine Life, Legend, and Lore in Dance", "Miner's Song", "The Bird and the Planters", "Tribal", "Ang Antipos" (The Flagellant), "Salubong", "Pabasa" (Reading of the Pasyon) asin "Easter Sunday Fiesta".
Mga pasib baguhon
- Patnubay ng Sining at Kalinangan Award kan 1969 asin 1964[5]
- Rizal Centennial Award kan 1962[5]
- Republic Cultural Heritage Award kan 1964[5]
- Presidential Award of Merit kan 1970[5]
- Tandang Sora Award asin an Columbia University Alumni Association Award kan 1975[5]
- National Artist for Dance kan Marso 27, 1976[5]
Toltolan baguhon
- ↑ [https://philippineculturaleducation.com.ph/orosa-goquinco-leonor-luna/philippineculturaleducation.com.ph[permanent dead link]. Kinua 2019-03-12
- ↑ [1]www.scribd.com.Kinua 2019-03-13
- ↑ [2]www.musicalplayphilippines.com. Kinua 2-019-03-12
- ↑ [3]philippioneculturaleducation.com.ph. Kinua 2019-03-12
- ↑ 5.0 5.1 5.2 5.3 5.4 5.5 Enriquez, M. Leonor Orosa-Goquinco a.k.a. Cristina Luna. orosa.org
