Leng Ouch

Si Leng Ouch sarong aktibista sa klima sa Cambodia. Sya nag-istar sa mga kadlagan sa Cambodia asin naging sarong aktibista laban sa mga ilegal na pagtroso sa mga kadlagan kan Cambodia. Bantog sya sa pagtugdas nin mga ilegal na aktibidad sa pagtroso sa saiyang sadiring nasyon.

Leng Ouch
Kamundagan	1975 Cambodia
Trabaho	Climate Activist
Organisasyon	Cambodia Human Rights Task Forces
Mga gawad	2016 Goldman Prize Recipient Asia

Buhay

Si Leng Ouch nagdakula sa rehimeng Khmer Rouge. Nagtago an saiyang pamilya sa mga kadlagan kan Cambodia hasta sa sya makaklase dangan an saiyang pamilya nagpsiring sa Phnom Penh kan 1980. Nagtrabaho sya para masuportaran an saiyang edukasyon asin nakua niya an sarong scholarship sa law na nagin paagi na sya maka-ayon sa dakul na organisasyon para sa deretsos humano puon kan saiyang karera bilang sarong aktibista.

Karera

Si Leng Ouch iyo an nagtugdas kan Cambodia Human Rights Task Forces (CHRTF), sarong organisasyon para sa paglaban sa deporistasyon sa Cambodia. Durante kan 2000's asin 2010 si Leng nagtatago para makalaog sa mga labi kadelikadong mga sitwasyon tangani na makakua nin mga litrato asin makapagrekord nin mga ebidensya sa mga iligal na nagtotroso. Ini nagbunga sa 23 na konsesyon sa mga daga na nakanselar asin igwang sarong dakulang kompanya nin pagtroso an naibulgar an salang mga gibo. Minsan pa ngani sya minagamit nin ibang mga identidad tangani na sya makapagtrabaho. Nakapabutwa sya nin pirang mga may kaso nin krimen asin nakapagkumpiskar nin mga darakulang kahoy asin mga gamit sa pagtotroso. Pirang beses naman sya naikaag sa peligro huli sa saiyang trabaho asin naarestar pa ngani kaiba kan iba pang mga aktibista.

Si Leng ginawadan kan Goldman Environmental Prize kan 2016 huli sa saiyang trabaho na nagbubuyagyag kan korapsyon asin ilegal na pagtroso sa Cambodia.