Laurence Olivier
Si Laurence Kerr Olivier, Baron Olivier, OM (/ˈlɒrəns ˈkɜːr əˈlɪvieɪ/; 22 Mayo 1907 – 11 Hulyo 1989) Ingles na aktor asin direktor na, kasarabay mga kagurubay niya, si Ralph Richardson asin John Gielgud, saro sa tolong mga lalaking aktor na nagdominar kan |entabladong Briton katangaan nin ika-20ng siglo. Siya nagtrabaho man sa industriya nin pelikula sa lawig kan saiyang karera, na naimbwelto sa limang polong papel sa pelikula. Ngapit sa saiyang karera, nagkaigwa siya nin marhay na eksito sa mga programa nin telebisyon.
An saiyang pamilya mayo man nin koneksyon sa teatro alagad an ama ni Olivier, sarong pastor, nagdesidir na an aki niya dapat magin sarong aktor. Pakaatender sa sarong eskwelahan sa drama sa London, si Olivier nakanood kan saiyang opisyo sa sunod-sunod na trabaho sa akting durante kan kahurihan na kan 1920. Kan 1930 nagkaigwa siya enot na importanteng marhay na eksito sa West End sa ki Noël Coward na Private Lives, asin siya nagluwas sa enot na pelikula. Kan 1935 siya nagkawat sa sarong produksyon na bantogan, na iyo an Romeo and Juliet katampad niya si Gielgud asin Peggy Ashcroft. Pagsara kan dekada siya mahusay asin establisado nang aktor. Kan mga 1940, kaiba si Richardson asin si John Burrell, si Olivier iyo an ko-direktor kan the Old Vic, na saiyang inataman na magdakula sa sarong respetadong kompanya. Duman an saiyang mga mahusay na papel iyo an ki Shakespeare sa Richard III asin sa ki Sophocles na Oedipus. Kan mga 1950 si Olivier sarong independyente aktor-manager, alagad an saiyang karera sa entablado nagbulasok alagad nagtaas lang kan nagbali siya sa avant-gardena English Stage Company kan 1957 sa pagkawat niya sa The Entertainer, sarong parte na ngapit pigkawat niya pa man sa pelikula. Poon 1963 abot 1973 siya kagtugdas na direktor kan Britanyang National Theatre, nag'ooperar nin sarong kompanyang lokal na nagpapapusog sa mga karera nin mga nagpoporoon-poon pa sanang mga aktor. An papel niya duman bilang si Othello (1965) asin si Shylock sa The Merchant of Venice (1970).
