Langkawas

An langkawas o langkwas (Alpinia galanga; Ingles, blue ginger, Thai ginger, greater galangal) sarong tinanom na an gamot ginagamit rekado o pagtaong namit sa mga kakanon arog kan tinomtoman. An unod kaini maharang-harang na manamisnamis. Ini naabot duwang metro an langkaw asin an dahon nakakaagid sa dahon uraro kaya lang mas matipanas. Sinasabing an katagang "langkawas" kaagid mansana sa Indones na tataramon na "lengcuas".

Langkawas
Tinanom na langkawas
Unod kan langkawas
Sayantipiko na klasipikasyon
Kahadean:	Plantae
Klado:	Angiosperms
Klado:	Monocots
Klado:	Commelinids
Orden:	Zingiberales
Pamilya:	Zingiberaceae
Genus:	Alpinia
Espesyes:	A. galanga
Ngaran binomyal
Alpinia galanga (L.) Willd.

Tal na tubo sa Habagatan Asya asin Indonesya, ini pigtatanom man sa Malaysia, Laos asin Tailandya. Mas bisto sa apod na "galanga" sa luwas kan Filipinas, ini inaapod man laos sa Indonesya asin iyo an pinakakomun na gamit sa luto. Sa Manipuri, inaapod na kanghu asi sa Myanmar, "Pa De Kaw".

Burak kan langkawas

An unod (rhizome) kaini komun na ingrediente sa mga Thai na curry kun saen dai luto na ginigiris-giris asin rinurunot dangan rinaramas sa curry. An rendang kan Indonesya parati sinasalakan kan galangal o langkawas.

Bulong

Ini uso man sa Filipinas na dinodokdok o rinurunot an unod kaini asin ginugusgos o hinahaplas sa mga helang kan kublit arog kan bu'ni o panaw.

Ini napagaraman na pwedeng panghaleng kulog (analgesic), panggadan sa bakterya (antibacterial), pangpakupos sa mga gatok (anti-inflammatory), panlaban sa pagpupuros (antispasmodic), pampaihi (diuretic), nakawsa nin sobrang baba asin bakong normal na presyon (hypotensive), pampalogyat kan hirigot na mga masel asin pampukaw sa hiro kan uterus.

Mga panluwas na takod

• http://www.rawpaleodietforum.com/omnivorous-raw-paleo/galangal-langkawas-discussions/ Kinua 16-08-14
• http://www.tkdlph.com/index.php/ethnopharmacological-data/2014-03-18-02-18-58/capiz/article/9771-langkawas Kinua 16-08-14