Kwartel kan Gwardya Sibil sa Nueva Caceres
An Kwartel kan Gwardya Sibil sa Nueva Caceres iyo an toltolan kan mga gwardya sibil sa Nueva Caceres kan panahon na kolonya pa an Filipinas kan Espanya hanggan taon 1898. An lugar na ini tagbo kan dakulang historikong pangyayari kan an mga gwardya sibil na pinamayohan na Kabo Elias Angeles asin Felix Plazo nagtumang sa mga Kastilang pamayo ninda asin resulta kaini narumpag ninda an gobyerno kolonyal sa bilog na Ambos Camarines. Huli kaini, sunod-sunod na nagdurulag an mga administrador sibil na Espanyol sa iba-ibang banwaan sa Ronang Bikol.
Sa presente, an lugar na ini okupado kan Naga City Police Office asin an lote na may hiwas na 1,045 metro kwadrado (bakong 1,547 metro kwadrado siring sa nababareta sa Bicol Mail[1], yaon sa pagrorogaring kan Republika nin Filipinas.[2] Kan taon 1913, si Gobernador-Heneral William Cameron Forbes, sa sarong dekreto ipinagboot na an loteng ini ipanongod sa paggamit kan Philippine Constabulary.[3][4]
Huli sa dakula an papel kan lugar kan dating kwartel, sa historya asin kultura kan ronang bikol, dakul na mga kaayonan sa siyudad nin Naga an naghuhurot sa gobyerno lokal na matagama na nanggad an paggamit kan nasabing lote bilang sarong historikong sityo sa pagromdom kan historikal na pangyayari kan 1898.[5][6]
Toltolan
baguhon- ↑ http://www.bicolmail.com/2012/?p=18900 Kinua 5-04-15
- ↑ Tax Declaration hale sa City Assessor's Office Kinua 27-03-15
- ↑ Bicol Mail, Nov.20, 2014 Kinua 29-03-15
- ↑ http://www.bicolmail.com/2012/?p=19919 Kinua 29-03-15
- ↑ Facebook, Nueva Caceres Heritage Movement Kinua 29-03-15
- ↑ Facebook, Centro Naga Business Club Kinua 29-03-15
