Krear Bathala
An Krear Bathala sarong bandang Tabaknon na dating midbid bilang Haunted Garage. Nabilog an banda kan taon 2000 sa pamayo ni Jimple Borlagdan, parakanta buda gitarista, kairiba si Virgilio Cañon, bahista, buda Rodel Aguilar, dramista. Dai naghaloy si Cañon buda Aguilar buda tinukalan sinda na Binat Pelaez, bilang bagong bahista, Wax Ko, dagdag na gitara, buda an tugang ma ngohod ni Jimple na si Jimzzy Borlagdan bilang bagong dramista. Namidbidan sinda sa mga serye ki patugtog sa Albay na inapod na Roots kairiba an mga nagongorog na mga bandang Albayano. Bago ninda malatag sa istudyo an enot nindang single na Hari ng walang hanggang parusa, kinua ninda si Jun Lim bilang kasalida ni Pelaez sa baho. Si Lim an nagbaho sa duwa nindang single, kairiba an kantang Clowns. Mga taon 2007 kan nagpahunod sinda sa sarong banda sa America buda tinukalan an pangaran nindang Haunted Garage ki Krear Bathala. Sa panahon na ini, tulo na sana sinda sa paghali ni Lim. Inasumer ni Ko an posisyon bilang bahista. Ini man an panahon kun sain pigmimidbid an banda kan mga kontemporanyo kaini bilang nangenot kan Bikol rock, na binansagan kan matuang Borlagdan na Tanog Tabaco. Signatura kan banda sa mga tugtugan sa sentro kan musika sa Naga buda Legazpi an kantang Kagadanan na nakaubay sa Ribok!, sarong katipunan ki mga kantang gibo kan mga Albayanong grupo. Nasa proseso an banda, na ngonian pigbibilog na sana kan magtugang na Jimple buda Jimzzy Borlagdan, sa pag latag sa istudyo kan kantang Astronomo.
Mga Kanta baguhon
1. Hari ng walang hanggang parusa 2. Clowns 3. Kagadanan 4. Astronomo 5. Govinda 6. Bathala 7. Almighty 8. Stale 9. Sa Dios Sana 10. Paggalang