An Kontinuwasyonismo iyo an sarong Kristiyanong Teolohikong paniniwala na an mga regalo kang Banal na Espiritu nagpadagos hanggan sa presenting panahon, espisipiko an senyal kan mga regalo siring sa mga dila asin propesiya. Sinda na nagsusuporta kaining pananaw iyo an pinag-aapod na mga Kontinuwasyonista o Bakong Sesesyonista.

Sinda na dae nagsusuporta sa Kontinuwasiyonistang pananaw nabantog bilang mga Parauntok. Habang an konplikto tahaw kan Kontinuwasiyonismo asin sesesyonismo bako man an isyu na nakaka-apekto sa kaligtasan, ini nakapagdrowing nin sarong nagbabangang linya sa tahaw kan mga Kristiyanong mga denominasyon sa rona kan Estados Unidos.

An Romano Katolikong Simbahan asin an Sirangan Ortodoks na Simbahan nagboses kan saindang suporta sa kontinuwasiyonismo, sinda naniniwala na an Pansimbahang tradisyon bilang ginigiyahan kan Banal na Espiritu relebante pa hanggan sa aldaw na ini. Si Papa Paulo VI iyo an saro sa notableng kontinuwasiyonista na nagtao kan saiyang suporta sa Karismatikong Pagbalik-boot na kahiroan kan Katolikong Simbahan.

An mga Kontinuwasiyonista pinagkonsidera kan maski sa Pentekostal o Karismatiko, maski na ngani na ining mga termino kun minsan pinaggagamit sa sarong heneral na kamangnuhan na minabale kan iba.

1. Mga Pentekostal naniniwala na an pagbubunyag kan Banal na Espiritu iyo an heneralmente na pirmeng kaantabay sa pagtataram sa mga dila.
2. Mga Karismatiko naniniwala na an pagbubunyag kan Banal na Espiritu bakong kinakaipuhanan na kaantabay sa pagtataram sa mga dila.

Maski na ngani kaini, ini dapat na pagnotaran na an mga denominasyon pinagkokonsiderang magkakaiba nin huli sa panahon na an lambang denominasyon nagsepara gikan sa pinakapoon na simbahan kairiba an iba pang mga rasones.