Konstantin Jovanović
Si Konstantin Jovanović (Serbian Cyrillic: Константин Јовановић; Bulgarian: Константин Йованович; 13 Enero 1849 – 15 Pebrero 1923) sarong Serbyo asin Bulgarong[1][2] arkitekto na midbid komo iyo an nagtao kan orihinal na desenyo kan mga edipisyo kan Asambliya nin Bulgaria asin kan Asambliya nin Serbia.
| Konstantin Jovanović | |
|---|---|
 Konstantin Jovanović kan 1898 | |
| Kamundagan | Enero 13, 1849 Vienna, Imperyong Austriyano (modernong Austria) |
| Kagadanan | Pebrero 15, 1923 (edad 74) Zürich, Switzerland |
| Alma mater | Zürich Polytechnic (1870) |
Kaamayi nin buhay
baguhonSi Jovanović namundag sa Vienna, kabisera kan Imperyong Austria, sa magurang niyang si Anastas Jovanović, sarong retratista, litograpo na gikan Vratsa (sa modernong Bulgaria),[3] asin superintendente sa korte royal kan Serbia Belgrade sa pamamahala ni Prinsipe Michael.[4]
Si Konstantin Jovanović nagtapos sa haiskul sa Vienna asin naggradwar sa Zürich Polytechnic sa Switzerland kan 1870 na may onra.[5][6] Pakagradwar niya, nagbisita siya sa Italya, kun saen siya nag'adal kan arteng Renasimyento Italyano.[7]
Arkitektura
baguhon
Si Jovanović nagpoon kan saiyang karera bilang arkitekto sa Vienna,[5] maski ngani siya mas aktibo sa Kahadean nin Serbia asin sa Prinsipalidad nin Bulgaria. Sinasabi na an saiyang estilo arkitektural nagguno nin hararom sa Aleman na arkitektong si Gottfried Semper (1803–1879), kun kiisay siya nag'adal duman sa Zürich.[3]
Si Jovanović nagdatong sa kabisera nin Bulgariya Sofia kan 1880 o 1881 sa alok ni Ministro sa Edukasyon kan Bulgariya na si Konstantin Josef Jireček asin duman nag'estar siya nin pirang taon.[3] An enot na edipisyo kan Sofia High School for Boys, an enot na edipisyo kan Sofia University asin kan Lom na haiskul anas natugdok susog sa saiyang mga desenyo.[6] Si Jovanović iyo man an nagmukna kan pinakaenot na desenyo kan edipisyong Neo-Renasimyentong Asambliya Nasyonal nin Bulgariya, na an konstruksyon nagpoon kan 4 Hunyo 1884.[5]
Sa Serbia, siya aktibo poon mid-1880 abot 1920. An enot niyang mga proyekto sa kabisera nin Serbia an mga pribadong harong ni abogadong Marko Stojanović asin Dragomir Radulović. Saiya man na pigdesenyo an edipisyo kan orihinal na National Bank of Serbia, saro sa pinakamagayon na ehemplo nin Neo-Renasimyentong arkitektura sa nasyon, basado sa arkitekura kan mga palasyong Italyanong Renasimyento. An edipisyo kan National Bank of Serbia minimirar na iyo an pinakaimportanteng trabaho ni Jovanović.[8] Si Jovanović nagtao kan orihinal na desenyo para sa Asambliya Nasyonal nin Serbia kan 1891. Kan 1901, saiyang bersyon kan desenyo ni Jovan Ilkić iyo an guminana sa kompetisyon kan desenyo arkitektural kan edipisyo.[8]
Maliban kan siya sarong prominenteng arkitekto, si Jovanović artista man, teoriko arkitektural, retratista asin parasurat.[9] Nagadan siya sa Zürich, Switzerland kan 1923.[7]
Toltolan
baguhon- ↑ Тахов, Росен (2013-05-21). "Парламентът построен върху цигански стан" (in Bulgarian). 24 часа. http://www.24chasa.bg/Article.asp?ArticleId=2001534. Retrieved on 27 May 2015.
- ↑ Гражданска, Свилена (2010-05-11). "Свято и страшно място" (in Bulgarian). Строител (Камара на строителите в България). http://vestnikstroitel.bg/archive/9770_%D1%81%D0%B2%D1%8F%D1%82%D0%BE-%D0%B8-%D1%81%D1%82%D1%80%D0%B0%D1%88%D0%BD%D0%BE-%D0%BC%D1%8F%D1%81%D1%82%D0%BE/. Retrieved on 27 May 2015.
- ↑ 3.0 3.1 3.2 "Първата университетска сграда" (in Bulgarian). Софийски университет "Св. Кл. Охридски". 2008-04-14. Retrieved 2009-08-08.
- ↑ Pavlova, Ekaterina. "Mrs. Dijana Shakan: What Serbs and Bulgarians have in common is that we live more in the past or the future, and only sometimes in the present". Bulgarian Diplomatic Review. Archived from the original on 2009-06-12. https://web.archive.org/web/20090612041304/http://www.diplomatic-bg.com/c2/content/view/313/47/. Retrieved on 2009-08-08.
- ↑ 5.0 5.1 5.2 Миткова, Ваня (2002-01-31). "Представят в изложба проектанта на парламента" (in Bulgarian). Новинар. http://www.novinar.net/?act=news&act1=det&stat=center&mater=NDU5OzU5. Retrieved on 2009-08-08.[permanent dead link]
- ↑ 6.0 6.1 "Видни врачани: Константин Анастасович Йованович (1849 - 1923)" (in Bulgarian). Visit Vratza.
- ↑ 7.0 7.1 "The NBS Head Office Building". National Bank of Serbia. Retrieved 2010-12-06.[permanent dead link]
- ↑ 8.0 8.1 Error sa pag-cite: Imbalidong
<ref>tatak; mayong teksto na ipinagtao para sa reperensiya na pinagngaranan nabelgrade - ↑ Павлович-Лонгарски, Вера; Ленко Петков. "Да запазим културната си идентичност" (in Bulgarian). Арх & арт. Archived from the original on 2009-10-26. https://web.archive.org/web/20091026225849/http://geocities.com/arh_art/frm21.html. Retrieved on 2009-08-08.
