Ketu (mitolohiya)

Si Ketu (Sanskrito: केतु, IAST: Ketú) () iyo an pababa na (i.e. 'habagatan') lunar node sa Vedic, o astrolohiyang Hindu. Segun sa accounts sa Hinduismo, si Ketu kaapil sa Jaimini Gotra, kun saen si Rahu gikan sa Paiteenasa gotra; kaya baga an duwa iyo an magkaibang entidad na may daing-siring na karakteristiko alagad an duwang kabtang kan sarong komun na hawak. Si Ketu heneralmente nanonongod bilang an planetang "anino". Ini tinutubod na igwa nin makusog na impact sa buhay nin tawo asin man sa bilog na paglalang. Sa ibang espesyal na sirkumstansya makakatabang ini sa ibang tawo na makamit an rurok kan kabantogan. Si Ketu parating linaladawan na sarong hiyas o bitoon sa saiyang payo na nagsesenyas nin misteryosong liwanag.

Segun sa astrolohiyang Vedic, si Rahu asin si Ketu igwa nin orbital cycle nin 18 taon asin pirming 180 degrees sa kada saro orbitally (siring man sa charts nin kamundagan). Ini coincides sa precessional orbit kan bulan o an ~18-taon siklong rotational kan lunar ascending asin descending nodes sa ecliptic plane kan kinaban. Si Ketu an nagrereynar sa Scorpio zodiac sign kaiba si Mangala

Sa astronomiya, si Rahu asin si Ketu iyo an mga punto nin pagsuhayan nin dalan nin Saldang asin nin Bulan mantang sinda naghihiro sa celestial sphere, asin dai nagkokorespond sa pisikal na planeta. Kaya baga, si Rahu asin Ketu kapwa inaapod na an amihanan asin an habagatan lunar nodes. Eclipses nangyayari kapag an Saldang asin an Bulan yaon sa mga puntong ini, nagtatao nin pagbutwa sa mythical na pagsabot na an duwa hinahalon nin halas. Kaya baga, si Ketu pigtutubod na responsable sa pagkawsa Eclipse of the Moon.