Si Creola Katherine Johnson (y Coleman; Agosto 26, 1918 – Pebrero 24, 2020) iyo sarong Amerikanong matematiko kun sain an saiyang mga kalkulasyon nin orbital na mekaniko bilang sarong empleyado kan NASA iyo kritikal sa trayumpo kan enot asin nagsurunod na mga biyahe pasiring sa luwas kan kinaban na igwang tawo sa irarom kan NASA.[1] Durante kan saiyang 33-taon na karera sa NASA asin bago kaini, nakaguno siya nin reputasyon para sa pagigin mahusay sa mga kompleksikong manwal na kalkulasyon asin nagtabang sa enot na paggamit nin kompyuter sa paghimo kan mga ini. An espasyong ahensya iyo nanutaran siya sa "historikal na pagganap bilang saro sa mga enot na Aprikano-Amerikanong babayi na nagtrabaho bilang siyentista sa NASA".[2]

Katherine Johnson
Katherine Johnson
Si Katherine Johnson kan 1983
KamundaganCreola Katherine Coleman
(1918-08-26)Agosto 26, 1918
White Sulphur Springs, West Virginia, U.S.
KagadananPebrero 24, 2020(2020-02-24) (edad 101)
Newport News, Virginia, U.S.
Iba pang mga ngaranKatherine Goble
Alma materWest Virginia State College
TrabahoMatematiko
EmployerNational Advisory Committee for Aeronautics, NASA 1953–1986
Midbid bilangPag-kalkula nin trahektorya kan mga misyon nin NASA
Mga aki3
Mga gawad
  • Presidential Medal of Freedom (2015)
  • Silver Snoopy award (2016)
  • NASA Group Achievement Award (2016)
  • Congressional Gold Medal (2019)

An mga kagibohan ni Johnson iyo kabali an pagkalkula kan mga trahektorya, launch windows, asin emergency return paths para sa pagbiyahe kan Project Mercury, kaiba sa mga astronaut iyo si Alan Shepard, an pinakaenot na Amerikano sa luwas kan kinaban, sagkod si John Glenn, an pinakaenot na Amerikano sa orbit, asin an nakaplanong dalan para sa Apollo Lunar Module sagkod command module sa biyahe pasiring sa Bulan. An saiyang mga kalkulasyon iyo esensyal man sa pagpoon kan Space Shuttle na programa, asin nagtrabaho man siya sa mga plano para sa sarong misyon pasiring sa Marte.

Kan 2015, piggawadan ni Presidente Barack Obama si Johnson kan Presidential Medal of Freedom. Kan 2016, pigtawan siya nin Silver Snoopy Award kan astronaut nin NASA na si Leland D. Melvin asin an NASA Group Achievement Award. Kan 2016, pigganapan siya ni Taraji P. Henson bilang pangenot na karakter sa pelikulang Hidden Figures. Kan 2019, si Johnson nagawadan nin Congressional Gold Medal. Kan 2021, na-induktar siya sa National Women's Hall of Fame.[3]

Iba pang babasahonLiwaton

Panluwas na takodLiwaton

ToltolanLiwaton

  1. Smith, Yvette (November 24, 2015). "Katherine Johnson: The Girl Who Loved to Count". NASA. http://www.nasa.gov/feature/katherine-johnson-the-girl-who-loved-to-count. "Her calculations proved as critical to the success of the Apollo Moon landing program and the start of the Space Shuttle program, as they did to those first steps on the country's journey into space." 
  2. "Hidden Figures To Modern Figures: Students See SLS Rocket at Michoud". YouTube. Marshall Space Flight Center. November 24, 2016. Retrieved March 4, 2020.
  3. "Michelle Obama, Mia Hamm chosen for Women's Hall of Fame". March 8, 2021. https://www.inquirer.com/news/womens-half-fame-michelle-obama-20210308.html.