Kassym-Jomart Tokayev

Si Kassym-Jomart Kemeluly Tokayev (Kazakh: Қасым-Жомарт Кемелұлы Тоқаев, translit. Qasym-Jomart Kemelūly Toqaev [qɑˈsəm ʑoˈmɑrt kʲeˌmʲelʊˈɫɯ toˈqɑjef]; namundag 17 Mayo 1953) sarong Kazakh na politiko asin diplomatiko sa presente nagseserbing Presidente nin Kazakhstan poon 20 Marso 2001. Sa pag'ultan 20 Marso asin 12 Hunyo 2001, siya nagserbing akting na presidente pakademitir ni Nursultan Nazarbayev, na an huri nagtukaw sa pwesto nin pagkapresidente nin haros tolong dekada.

Si Kassym-Jomart Kemeluly Tokayev (20-22)

Namundag sa Alma-Ata (ngonyan Almaty), si Tokayev nag'entra sa Moscow State Institute of International Relations kun saen siya naggradwar kan 1975, asin dangan nagtrabaho komo diplomatiko sa Singapore asin Tsina. Pagkatunaw kan Unyon Sobyet, si Tokayev nagin Deputy Foreign Minister kan bagong independyenteng Kazakhstan kan 1992, kun saen siya naimbwelto sa isyu nin nuclear disarmament sa mga Sobyet na republika . Kan 1999, si Tokayev nagin Deputy Prime Minister, asin kan Oktobre kan taon na idto sa pagendorsar saiya kan Parlamento, siya nanombrahan na Primer Ministro ni Presidente Nursultan Nazarbayev. Poon 2002, si Tokayev nagserbing Foreign Minister asin State Secretary, kun saen siya nagpapel na aktibo sa problema kan dai pagpalakop kan mga armas nuklear. Siya an Direktor-Heneral kan Opisina nin UN sa Geneva poon 2011 abot 2013 asin duwang beses nagserbi komo Chairman kan Senado nin Kazakh poon 2007 sundo 2011 asin 2013 hanggan 2019.