Subic Rape Case

An Subic rape case, o midbid man bilang “People of the Philippines vs. Dominic Duplantis, Keith Silkwood, and Daniel Smith” sarong kaso kriminal sa Filipinas kun sain kadayon an sarong Filipina asin apat na United States Marines. Nakakua ini nin dakulang atensyon kan media asin nagin isyu politikal asin internasyunal huli sa Visiting Forces Agreement (VFA) sa tahaw kan Estados Unidos asin man kan Filipinas, na nagin rason kan mga protesta dawa kan inot pa sana.

Inisyalmente, an nag-aakusar na si Suzette Nicolas, pigsasabing biktima nin gang-rape, alagad makalihis sana man an pirang aldaw, sinabi nyang solamenteng si Lance Corporal Daniel Smith sana man an nanlupig sa saiya. Sinabi nya na bago an matangang banggi kan Nobyembre 1, 20015, piglupigan sya ni Smith sa laog kan nag-aandar na awto na Hyundau Starex Van sa Alava Pier na yaon man sa may Subic Bay Freeport kun sain nakadaong an barko kan mga marino. Sinabi pa man ni Nicholas na mantang piglulupigan sya, pinag-oorgulyo pa ini kan mga kairiba kaini. Kundi, pinaghimutikan man ini ni Smith asin sinabi nyang consensual sex an pangyayari.

Kan Disyembre 4, 2006, makalihis an kadakul na mga pagdangug sa korte sa lawig kan haros sarong taon, makalihis man ini maibalangibog sa publiko asin sa medua, an Husgadong si Benjamin Pozon kan Makati Regional Trial Court Branch 139 pinagdesisyunan na si Smith nagkasala man talaga nin rape, asin sinentensyahan nya ini nin reclusion perpetua, sentensyang mag-aabot 40 taon, mantang an tulo pa pig-acquitt. Pigkulong si Smith sa United States Embassy sa Manila, dawa pa ngani igwa nin kasuguan an Husgado na darahon man ini sa Philippine Jail. Iyo man kuta na an kahagadan kan si mga suportadores ni Nicolas.

Kan Marso 17, 2009, an ina ni Suzette nagpasa nin affidavit hali ki Suzette na igwa nin petsang Marso 12, 2009 na nagsasabing dai ini sigurado kun narape man nanggad sya. Igwa nin mga ispekulasyon na tibaad igwa nin korapsyon, kaya an pirang mga organisasyon sagkod an kongreso, nagdemanda na magkaigwa nin imbestigasyon. Pakalihis na maisumiter an affidavit, kan Abril 23, 2009, an Court of Appeals na pinapamayuhan kan tulong Filipinang mga Husgado na sinda Associate Justices Monina Arevalo-Zenarosa, Remedios Salazar-Fernando asin Myrna Dimaranan-Vidal, pigbaliktad an desisyon kan hababang korte asin pigsugo an paghali ki Smith sa kulunan, an sabi ngani, “"...a careful and judicious perusal of the evidence on record does not convince the prudent mind about the moral certainty of the guilt of the accused, hence we must acquit." Pigsabi pa man kan Court of Appeals na "If Nicole was really drunk, she would have had a hard time rising up, much more standing up, or she would have just dropped, a common experience among Filipino girls." Dai pig-aku kan CA an  resulta kan imbestigasyon kan trial court na that "there may be forcible entry" tangani na maipaliwanag an mga tama sa maselang parte ni Nicole.