Kasanggayahan Festival

An Kasanggayahan Festival sineselebrar sa bulan nin Oktubre sa probinsya nin Sorsogon, Filipinas. Ini an pinakadakulang selebrasyon sa bilog na probinsya nin Sorsogon. Manungod an selebrasyon sa deklarasyon kan Sorsogon bilang probinsya kan Filipinas.

An tataramon na kasanggayahan boot sabihon pagiging asensado. Ipinapahiling sa kapiyestahan an mga lokal na produkto arog nin kahoy nin pili asin iba pang produktong agrikultural.

Aktibidad

• An Pantomina sa Tinampo an saro sa mga panyayari sa piyesta na nagpapaiba sa ibang mga kapiyestahang pasasalamat sa nasion. Ini sarong bayleng native asin rehiyonal, na bayle kan mga salampati. Ining bayleng pagkamoot asin pag-ilusion na iginigibo sa tinampo.