Kapistahan nin Panaad sa Negros
An Kapistahan nin Panaad sa Negros o Panaad sa Negros Festival, inaapod man sana na Panaad Festival (mga panahon na ipigsasayod bilang Pana-ad), sarong kapistahan na ginigibo taon-taon durante kan bulan nin Abril sa Bacolod, an kabisera kan probinsya nin Negros Occidental sa Filipinas. An Panaad iyo an tataramon na Hiligaynon para sa "vow" o "promise" na hale sa gamot-tataramon na saad; an kapistahan sarong porma nin pasasalamat sa Banal na Providence asin paggirumdom sa promesa karibay nin marahay na buhay. Ginigibo an selebrasyon sa Panaad Park, na iyo man an naghaharong kan Pagad Stadium, asin pinapartisiparan kan 13 siyudad asin 19 banwaan kan probinsya. Sa rason na ini, an probinsya inaapod ining "ina" kan gabos na kapiyestahan kaini.[1]
An enot na Panaad sa Negros Festival ginibo sa Capitol Park asin Lagoon sa tolong aldaw na okasyon kan 1993 na nagpoon Abril 30. Ginibo an festival sa lagong atubangan kan Provincial Capitol sa enot na apat na taon. Mantang nagdadakula an kapistahan kada taon, kinaipuhan na hanapon an mas mahiwas na lugar. Kan 1997, ginibo an kapistahan sa nahirahay na lugar na harani sa namumugtakan kan Bredco Port ngonyan.
An pagtogdok kan Panaad Istadyum asin mga isport nagbukas kan dalan para sa pagkaestablisar kan Panaad Park bilang permanenteng istaran kan kapistahan.
