Kandingga

An kandingga o bisto man sa apod na Bopis sarong maharang na lutong Filipino kan bagà, katoy asin puso' kan kanding o orig. Sukà an linulutoan kaini imbes na lana. Normalmente, pigsasalakan ini nin giniris na paklang kan kangkong.

Bersyon kan kandingga sa banwaan kan Baao, Camarines Sur

Kandingga o Bopis

Pag-andam

Enot maggisa nin bawang, sibulyas, paminta na kaagan na nin bitsen. Kun sarong kilong bagà asin katoy, an proporsyon kaiyan saro kaapatan (1/4) na suka man an ikaag asin kabanga' na tawyo. An takadan iyo an ordinaryong kap. Sa suka asin tawyo iraramas na maray an giniling na baga' asin katoy.

Dangan, ikaag na sa kawali an pinagramas duman sa kawali na may ginisang sibulyas asin bawang. Kun yaon na sa katahawan kan pagluto kaini saka naman ikaag an giniris na mga paklang nin kangkong. Dai pwedeng idungan an kangkong sa pagkaag kan giniling na baga ta malulu'nok an mga paklang. Halaton na maglomoy.

Dakul nagsasabi na inapod ining kandingga ta mayormente baga' sana kan kanding an dapat ginagamit igdi. Pero posible natongod sana na an pangaran garo nakaagid sa taramon na kanding. An totoo uso man na lutoon na kandingga an baga asin katoy kan orig.

Mga panluwas na takod

• Bopis, kandingga- [1]