Kali

Si Kali Sanskrito: काली, IAST: Kālī), inaapod man na Mahakali, Bhadrakali, asin Kalika (Sanskrito: कालिका), iyo an sarong Hindung diosa na ibinibilang na diosa nin ultimadong kapangyarihan, panahon, karatan asin pagbabago sa Shaktismo. Sa tradisyon na ini, siya ibinibilang na maisog na porma nin diyosang si Mahadevi, an supremo sa gabos na kapangyarihan, o an ultimadong realidad.

Si Kali

An kaenot - enoteng paglataw ni Kali kan siya nagbutwa gikan kay Shiva. Siya an tinuturing na ultimadong manipestasyon ni Shakti, asin ina kan gabos na nabubuhay na persona. An diosa sinasabi na raraoton an mararaot tanganing protehiran an mga daing sala. Sa paglihis nin panahon, si Kali sinasamba nin mga hiroan na debosyon asin kan mga sektang Tantriko manlaenlaen an apod bilang Banal na Ina, Ina kan Uniberso, Prinsipal na enerhiyang Adi Shakti. An mga sektang Shakta Hindu asin Tantriko dugang pang nagsasamba sa saiya bilang an ultimadong realidad o Brahman. Minamansay man siya bilang an paraprotehir nin Dios asin an saro na nagtatao nin moksha, o katalingkasan.