Sa kapinunan nin historya kan Filipinas, an pig-eerokan kan mga Tagalog[1][2][3] sa Tondo (Tagalog: [tunˈdo]) iyo sarong mayor na lugar nin komersyo na mahihiling sa norteng parte kan Salug Pasig sa isla nin Luzon.[3][4][5]

Sarong mapa kan mga politidad na nakapalibot sa baybayon kan Manila Bay asin Laguna de Bay

Kaiba an Maynila, an politidad (bayan) sa sur na parte kan Salog Pasig, nagtugdok sinda nin sarong monopolyo sa produkto kan Tsino para sa bilog na arkipelago kan Filipinas, na naghimo sainda bilang sarong pusog na pwersa sa komersyo kan Sur-Subangang Asya asin Subangang Asya.[6]

An Tondo iyo sarong partikular na interes sa mga Filipinong historyador asin historyograpo huli ta saro ini sa mga pinakagurang na naisurat na inerokan sa Filipinas. An kadaklan nin mga iskolar iyo nagtutubod na nasambit ini sa Laguna Copperplate Inscription, an pinakagurang na panurat sa Filipinas gikan pa kan 900 CE.[1]

Pagkatapos kan kontak sa mga Kastila puon kan 1570 asin an pagkadaog kan mga lokal na namamayo sa baybayon nin Manila kan 1571, an Tondo iyo pinamayuhan hale sa Manila (sarong Kastilang kuta na naitugdok sa natada kan Maynila). An paglaog kan Tondo sa emperyo kan Kastila iyo nagtapos saiya bilang sarong talingkas na politikal na entidad. Sa ngunyan, saro an Tondo sa mga distrito kan modernong Syudad nin Manila.

Mga nagin pamayo baguhon

Pangaran Titulo Kapinunan kan Pamamayo Hanggan
Jayadewa Admiral 900? ?
Lontok Lakan Lontok 1430? 1450?
Kalangitan Dayang Kalangitan, Reyna kan Namayan asin Tondo 1450? 1515?
Salalila Raha Salalila o Raha Sulayman I 1515? 1558?
Matanda Raha Matanda o Raha Sulayman II o Raha Ache, Hade kan Namayan asin Maynila 1558? 1571
Lakan Dula Banaw Lakandula, Hade kan Tondo asin Sabag 1558? 1571
Sulayman Raha Sulayman, Hade kan Tondo, Maynila, asin Namayan 1571 1575
Magat Salamat 1575 1589

Hilingon man baguhon

Toltolan baguhon

  1. 1.0 1.1 "Pre-colonial Manila". Malacañang Presidential Museum and Library. Malacañang Presidential Museum and Library Araw ng Maynila Briefers. Presidential Communications Development and Strategic Planning Office. 23 June 2015. Archived from the original on 9 March 2016. Retrieved 27 April 2017.  Unknown parameter |url-status= ignored (help)
  2. Renfrew, Colin, and Shennan, S. (eds.) (1982). Ranking, Resource, and Exchange. Cambridge.: Cambridge University Press. 
  3. 3.0 3.1 Scott, William Henry (1992). Looking for the Prehispanic Filipino and Other Essays in the Philippine History. Quezon City: New Day Publishers. ISBN 971-10-0524-7. 
  4. Jocano, F. Landa (2001). Filipino Prehistory: Rediscovering Precolonial Heritage. Quezon City: Punlad Research House, Inc. ISBN 971-622-006-5. 
  5. Abinales, Patricio N. and Donna J. Amoroso, State and Society in the Philippines. Maryland: Rowman and Littlefield, 2005. as referred to in http://malacanang.gov.ph/75832-pre-colonial-manila/#_ftn1 Archived 2015-07-24 at the Wayback Machine.
  6. Dery, Luis Camara (2001). A History of the Inarticulate. Quezon City: New Day Publishers. ISBN 971-10-1069-0.