Kadikloman
An kadikloman o diklom, iyo an direktang kabaliktaran nin liwanag, tinatawan nin kahulogan na kadaihan nin iluminasyon, kadaihan nin naheheling na liwanag, o ibabaw na nagsasarumsom nin liwanag, arog baga kan itom.
An panhiling nin tawo dai nakakamidbid nin mga kolor sa mga kamugtakan na marumirom an liwanag nin huli ta an sensitibo sa kolor na mga selula na photoreceptor sa retina bakong aktibo kun bakong kombenyente an grado nin liwanag, an hiwas kan bisywal na persepsyon nanonongod sa scotopic vision.
An emosyonal na reaksyon sa kadikloman nagkawsa nin metapahorical na mga paggamit kan terminong iyan sa dakol na kultura, na parateng ginagamit tanganing iladawan an mamondo o nakakauyam na pagmate.
Manongod sa panahon nin pagkaaldaw, nangyayari an biyong kadikloman kun an Saldang labi nang 18° sa ibaba kan abot tanaw, na mayo kan mga epekto nin twilight sa langit kun banggi.
Siyentipiko baguhon
Persepsyon baguhon
An persepsyon sa kadikloman nagkakalaen sa simpleng kadaihan nin liwanag huli sa mga epekto kan after images sa persepsyon. Sa pagmate, aktibo an mata, asin an kabtang kan retina na unstimulated nagpoprodusir nin komplementaryong afterimage.[1]
Pisika baguhon
Sa sinasabi kan pisika, an sarong bagay soboot madiklom kapag iyan nagsarumsom nin photons, nagigin dahelan para iyan maglataw na marumirom kompara sa ibang mga bagay. Halimbawa, an pintura na matte black dai nagrereflect nin nahihiling na liwanag asin minalataw na madiklom, kun saen an puting pintura minareflect nin dakol na liwanag asin minalataw na maliwanag.[2] Para sa dakol pang impormasyon, hilingon an arok. An sarong bagay posibleng maglataw na madiklom, alagad posibleng iyan magin maliwanag sa frequency na dai na mamansayan kan mga tawo.
Igwa nin limitadong gunuan nin liwanag an sarong lugar na madiklom, kaya masakit na mahiling an mga bagay. An labing pagkabalad sa alternating liwanag asin kadikloman (banggi asin aldaw) nagin dahelan nin mga nagkapirang ebolusyonaryong pagkatuod sa kadikloman. Kapag an sarong vertebrate, siring kan tawo, luminaog sa lugar na madiklom, an saiyang pupils minadakula, na nagtutugot na lumaog an dakul na liwanag sa mata asin paurogon an night vision. Siring man, an selula na nakaka-detect nin liwanag sa mata nin tawo (rods and cones) ma-regenerate nin dakol na unbleached rhodopsin kapag natutuod sa kadikloman.
Sarong siyentipikong sukolan kan kadikloman iyo an Bortle scale, kun saen iniindikar an kabanggihon kusog kan liwanag kan langit asin mga bitoon sa sarong partikular na lokasyon, asin an pagigin posibleng maobserbaran an langitnon na mga bagay sa lokasyon na iyan.[3]
An materyal na inaapod na Vantablack iyo an saro sa pinakamadiklom na substances an bisto, nagsasarumsom nin hanggan sa 99.965% nin nahihiling na liwanag (sa 663 nm kun an liwanag perpendikular sa materyal), asin pinaurog kan Surrey NanoSystems sa Reyno Unido.[4][5] The name is a compound of the acronym VANTA (vertically aligned nanotube arrays) and the color black.[6]
Toltolan baguhon
- ↑ Horner, David T. (2000). Demonstrations of Color Perception and the Importance of Contours, Handbook for Teaching Introductory Psychology. 2. Texas: Psychology Press. p. 217. ISBN 9780805836547.
Afterimages are the complementary hue of the adapting stimulus and trichromatic theory fails to account for this fact
[permanent dead link] - ↑ Mantese, Lucymarie (March 2000). "Photon-Driven Localization: How Materials Really Absorb Light". American Physical Society, Annual March Meeting (American Physical Society): E2.001. Bibcode: 2000APS..MAR.E2001M.
- ↑ Mizon, Bob (2016-07-04). Finding a Million-Star Hotel: An Astro-Tourist's Guide to Dark Sky Places (in English). Springer. pp. 9–16. ISBN 978-3-319-33855-2.
- ↑ Coldewey, Devin (15 July 2014). "Vantablack: U.K. Firm Shows Off 'World's Darkest Material'". NBC News. Archived from the original on 19 July 2014. Retrieved 19 July 2014. Unknown parameter
|url-status=ignored (help) - ↑ Guinness World Records: Darkest manmade substance, 19 October 2015
- ↑ Rossing, Thomas D.; Chiaverina, Christopher J. (2020-01-03). Light Science: Physics and the Visual Arts (in English). Springer Nature. p. 172. ISBN 978-3-030-27103-9.
