Julia Gillard
Si Julia Eileen Gillard (namundag Septyembre 29, 1961) sarong Australyanong pulitiko asin Lider kan Partido Trabahador poon pa kan Hunyo 24, 2010. Sa Australya siya pa sana an pinakaenot na babae nagkapot kan duwang pwestong ini.
Si Gillard namundag sa Barry, Wales. An saiyang pamilya naghubo sa Adelaide, South Australia, kan 1966. Duman na siya pinaklase sa Mitcham Primary School saka sa Unley HIgfh School. Kan 1982 siya nakaisip mag'isog sa Melbourne, Victoria kun saen duman nakatapos sa University of Melbourne bitbit an Batsilyer en Artes asin Batsilyer sa Ley kan taon 1986. Paglaog kan taon 1987, siya nagbali sa sarong bupete (SDlater & Gordon) na an trabaho niya iyo an magkapot kan mga kaso manongod sa industrial law. Dangan kaini, siya nagtapsok na sa pulitika. [1][2]
Si Gillard enot na nakaag sa pwesto sa Kongreso kan Australya komo Representante kan mag'eleksyon federal kan taon 1998 representado an Dibisyon nin Lalor, sa Victoria. Sunod kaini, sa eleksyon kan 2001, napili naman siyang magtukaw sa Shadow Cabinet asin itinalaga saiya an pag'asikaso kan Populasyon asin Imigrasyon. Kan taon 2003, napabugtak saiya an pwesto na nag'aataman kan inaapod na Reconciliation and Indigenous Affairs and Health. Pag'abot kan Desyembre 2006 kan si Kevin Rudd naelihir bilang Lider kan Partido Trabahador, si Gillard napili man bilang Deputy kaini.[1]
Poon kaidto, sunodsunod na an pagsakat niya sa mas halangkaw na mga katongdan asta siya nagin Poon Ministro.
Mga panluwas na takod
baguhon- Opisyal na dahon kan primer ministro
- Dahon para ki Julia Gillard sa websayt opisyal kan Federal HOR
- Opisyal na dahon kan websayt nin ALP para ki Julia Gillard
- Opisyal na dahon sa Facebook ni Julia Gillard
Toltolan
baguhon- ↑ 1.0 1.1 "The Hon Julia Gillard MP, Member for Lalor (Vic)". Australian House of Representatives. Retrieved 24 June 2010.
- ↑ "The Other Biography: Jacqueline Kent's "The Making of Julia Gillard" by Christine Wallace". The Monthly. Schwartz Publishing. October 2009. Retrieved 19 October 2009.
