Juan Carlos I

Si Juan Carlos I (Spanish: [xwaŋˈkaɾlos]; Juan Carlos Alfonso Víctor María de Borbón y Borbón-Dos Sicilias, namundag 5 Enero 1938) myembro kan Pamilya Royal nin Espanya na nagtukaw komo Hade nin Espanya poon 22 Nobyembre 1975 sundo sa saiyang pag'abdikar kan 19 Hunyo 2014. ISa Espanya, poon kan siya nag'abdikar, si Juan Carlos inaapod na Rey Emérito ('King Emeritus').

Juan Carlos I
Si Juan Carlos kan 2009
Hade nin Espanya (more...)
Panahon kan Kapanyarihan	22 November 1975 – 19 June 2014
Enthronement	27 Nobyembre 1975
Suminunod ki	Francisco Franco (bilang Caudillo kan Espanya)
Sinundan ni	Felipe VI
Mga Primer Ministro	See list Carlos Arias Navarro (1975–1976) Fernando de Santiago (Jul. 1976) Adolfo Suárez (1976–1981) Leopoldo Calvo-Sotelo (1981–1982) Felipe González (1982–1996) José María Aznar (1996–2004) José Luis Rodríguez Zapatero (2004–2011) Mariano Rajoy (2011–2014)
Iminundag	(1938-01-05) 5 Enero 1938 Romea, Kahadean nin Italya
Isyu Detalye	Infanta Elena, Duchess of Lugo Infanta Cristina Felipe VI
Bilog na Pangaran Juan Carlos Alfonso Víctor María de Borbón y Borbón-Dos Sicilias
Harong	Bourbon
Amá	Infante Juan, Count of Barcelona
Iná	Princess María de las Mercedes of Bourbon-Two Sicilies
Relihiyon	Roman Catholicism
Pirma
Military career
Alyansa	Spain
Serbisyo/Sangay	Spanish Army Spanish Air Force Spanish Navy
Taon kan Serbisyo	1962–1975
Ranggo	Captain general (See list)

Si Juan Carlos makuapo' ni Alfonso XIII, an ultimong hade nin Espanya bago an monarkiya pigpara' kan 1931 asin pakasunod madeklara an Ika-duwang Republika nin Espanya. Si Juan Carlos namundag sa Roma kan panahon an pamilya niya nagtulas. Si Francisco Franco iyo an nagkapot kan gobyerno nin Espanya pakapanggana niya sa Gera Sibil nin Espanya kan 1939, alagad kan 1947 an status kan Espanya bilang monarkiya pinagtibay sa sarong ley asin dagos man itinugot na si Franco magpili kan masangle saiya. An ama ni Juan Carlos, Infante Juan, Konte nin Barcelona, iyo an ikatolong aki ni Hadeng Alfonso XIII asin saiyang pig'asumir an hingangako niya sa trono kan magadan si Alfonso kan Pebrero 1941. Alagad, si Franco nahihiling na si Infante Juan sobrang liberal asin kan 1969 ipigdeklara niya na si Juan Carlos an saiyang kagribay bilang pamayo kan estado.

Si Juan Carlos pig'ubos niya an kaamayi kan saiyang pagkaaki sa Italya asin nagbalik sa Espanya kan 1947 sa pagpadagos kan saiyang pag'adal. Pakatapos kan saiyang sekundarya kan 1955, nagpadagos siya kan saiyang training militar asin naglaog sa General Military Academy sa Zaragoza. Ngapit, siya nag'entra sa Naval Military School asin sa General Academy of the Air, asin natapos an saiyang edukasyon tersyariyo sa University of Madrid. Kan 1962, si Juan Carlos inagom si Prinsesa Sophia nin Gresya asin Denmark sa Athens. An mag'agom nagkaigwa nin duwang aking babae asin sarong aking lalaki: Elena, Cristina, asin Felipe. Huli sa pagruru' kan salud ni Franco, si Juan Carlos nagtatagasangle saiya komo iyo an pamayo kan estado nin Espanya, kan panahon nin tig-init kan taon 1974. Si Franco nagadan kan Nobyembre sunod na taon asin si Juan Carlos nangagin hade kan 22 Nobyembre 1975, duwang aldaw pakagadan ni Franco, an pinakaenot naman na monarko nagtukaw poon 1931, pero ngani an saiyang tuminulas na ama dai pormalmente pigbutsan an saiyang paghingako sa trono a pabor kan saiyang aki kundi kan taon lang nin 1977.