Joy Mae Sanchez

Siya si Joy Mae Sanchez ,Siya sarong bagong gradwar nin kursong Edukasyon sa Filipino, sa Unibersidad Estatal kan Sentral Bikol sa Agrikultura o Central Bicol State University of Agriculture-Calabanga. Ngunyan na presenting taon saro na siyang ganap na maestra sagkod nagboluntaryo bilang sarong maestra sa Don Servillano Platon Memorial National High School sa Tinambac, Calabanga, Camarines Sur. Siya namundag asin duminakula sa Manguiring, Calabanga, Camarines Sur. Siya sarong parasurat nin rawit dawit, sagkod mga esturya o dagli .Miyembro man siya kan organisasyon manungod sa pagsurat na The Writers Project, sarong organisasyon manungod sa pagsurat nin man lain-lain na tema kun sain an mga nagsusurat iyo an mga estudyante sa Central Bicol State University of Agriculture-Calabanga (CBSUA) sa banwaan nin Calabanga, Camarines Sur, Na pinonan kan 2014. Nagatendir man siya nin seminar manungod sa pagsurat na iyo an Second San Miguel Bay Writers Workshop (2018).

An saro sa dai niya malilingawan na ekspireyensya niya sa pagsurat iyo an makaibahan an saiyang mga mauurag na paratukdo asin mauurag na mga para-radit dawit sagkod maurag sa mga literatura na si Jerome Hipolito, Edwin Breva sagkod an iba pa.Bilang sarong huben na parasurat saro sa naabot niya sa pagsurat iyo an pagkaigwa nin magayon na ekspireyensya manungod igdi asin naihiras niya ini sa saiyang mga estudyante kan siya nagpepreparar pa sana magin sarong maestra. Kan nagkaigwa nin mga aktibidad manungod sa pagsurat asin pagtula, siya an nagtukdo sa mga estudyante niya, asin nanggana sinda. An maray na paradangog, sarong maray na parasurat.