Wikipedia

Joseph Ezekiel Rajpurkar

Si Joseph Ezekiel Rajpurkar (Marathi: जोसेफ यहेज्केल राजपूरकर, Hebrew: יוסף יחזקאל ראג׳פורכר‎; 1834–1905)sarong Bene Israel na parasurat asin parapalis kan Hebreong mga liturhikong obra sa Marathi.

Joseph Ezekiel Rajpurkar
Kamundagan1834 (1834)
Bombay, Briton na Indya
Kagadanan1905 (aged 70–71)
Bombay, Briton na Indya

Biograpiya

baguhon

Si Joseph Ezekiel Rajpurkar namundag sa sarong prominenteng Bene Israel na pamilya sa Bombay kan 1834.[1] An saiyang ama, Ezekiel Joseph Rajpurkar, sarong maestro asin superintendente kan Scottish mission schools.[2] Si Rajpurkar pig'edukar sa eskwelahan kan Free General Assembly ni John Wilson, kun saen siya nag'adal nin Hebreo, Ingles, asin mga iba pang mga asignatura. Siya nagin katuwang na maestro sa David Sassoon Benevolent Institution—na sarong eskwelahan para sa mga Hudyong Baghdadi mga aki - kan 1856. Siya nanombrahan pamayong maestro nin limang taon, na ini katongdan na saiyang kinaptan nin apat na pulong taon.[3] Kan 1871 si Rajpurkar pignombrahan na paraeksamen sa Hebreo sa Unibersidad nin Bombay, dangan kan 1879 ginibo siyang fellow sa unibersidad. Nagin man siyang juez de paz kan 1890.

Si Rajpurkar pinagpalos niya duwang pulo nin mga liturhiyang Hebreo asin dakul pang ibang mga nasusurat sa Ingles na may interes para sa mga Hudyo an saiyang ipinalis pa sa Marathi, asin siya man nag'autor nin mga eksposisyon dapit sa literaturang rabbinic asin Historyang Hudyo. An saiyang mga pigpalis kasali an siddur, maḥzor, piyyutim, asin seliḥot, saka mga iba pa.[4] Kan 1876 siya nagpublikar kan Israelache Dharmamattavishaye Shastrateel Pramane, sarong pagdepensa sa pagkalehitimo kan Hudaismo swa paghingowa na dai an Bene Israel makumberter sa Kristiyandad. Pinagpublikar niya man an Kuttonet Yosef, sarong handbook nin mga Hebreong katagang pinalipot, sarong Hebreong gramatika sa Marathi, asin sarong Hebreong primer para sa mga aki.[5]

Palaen pa kan trabaho niya komo maestro, tagpalis, asin komentarista, si Rajpurkar nagtrabahong husto para sa ikakarahay kan kamugtakan kan mga Hudyo sa Bombay. Siya an namayo sa kampanya kan mga Hudyo sa pagsimbag sa blood libel na akusasyon kan 1882 na napalaman sa Bombay Cassid,sarong sa Gujarati'ng tataramon Muslim na peryodikal, dangan pirang taon nagsirbeng Senior Warden kan Shaar ha-Raḥamim na Sinagoga asin Sekretaryo sa Israel Lokancha Sudronshodak Mandali (Bene Israel Improvement Society).[2]

Mga panluwas na takod

baguhon
An Wikimedia Commons igwa nin medya dapit sa Joseph Ezekiel Rajpurkar.

Toltolan

baguhon

  This article incorporates text from a publication now in the public domain: Jacobs, Joseph; Mels, Edgar (1903). "Ezekiel, Joseph". In Singer, Isidore; et al. The Jewish Encyclopedia. 5. New York: Funk & Wagnalls. p. 319. 

  1. ↑ Solomon, Sarah (July 1925). "Life of Mr. Joseph Ezekiel Rajpurkar, J.P.". Israelite 9: 97–99. 
  2. ↑ 2.0 2.1 Numark, Mitch (2012). "Hebrew School in Nineteenth-Century Bombay: Protestant Missionaries, Cochin Jews, and the Hebraization of India's Bene Israel Community". Modern Asian Studies 46 (6): 1764–1808. doi:10.1017/s0026749x12000121. https://www.cambridge.org/core/journals/modern-asian-studies/article/hebrew-school-in-nineteenthcentury-bombay-protestant-missionaries-cochin-jews-and-the-hebraization-of-indias-bene-israel-community/6DA611C9F4BD0C6DC168433416515877. 
  3. ↑   Jacobs, Joseph; Mels, Edgar (1903). "Ezekiel, Joseph". In Singer, Isidore; et al. The Jewish Encyclopedia. 5. New York: Funk & Wagnalls. p. 319. 
  4. ↑ Blumhardt, James Fuller (1892). Catalogue of Marathi and Gujarati Printed Books in the Library of the British Museum. London: B. Quaritch. pp. 207. 
  5. ↑ "Joseph Ezekiel Rajpurkar". Jewish Virtual Library. AICE. Retrieved 4 April 2019. 
Kinua sa "https://bcl.wikipedia.org/w/index.php?title=Joseph_Ezekiel_Rajpurkar&oldid=227572"