Jose Avelino
Si José Dira Avelino (Agosto 5, 1890 – Hulyo 21, 1986) iyo an pinakaenot na Presidente kan Senado kan Ika-tolong Republika Filipinas asin siya an ikaduwang Presidente kan Partido Liberal. Si Avelino Presidente Senado pro tempore ni Presidente Manuel Quezon bago kan pagkatogdas kan Kumonwelt.[1]
| The Honourable José D. Avelino | |
|---|---|
| |
| 3rd Presidente kan Senado nin Filipinas | |
| Termino Mayo 25, 1946 – Pebrero 21, 1949 | |
| President | Sergio Osmeña (1946) Manuel Roxas (1946-1948) Elpidio Quirino (1948-1949) |
| Suminunod ki | Manuel Roxas |
| Sinundan ni | Mariano Jesús Cuenco |
| Senador nin Filipinas | |
| Termino Mayo 25, 1946 – Desyembre 30, 1951 | |
| Secretary of Public Works and Transportation | |
| Termino 1939–1941 | |
| President | Manuel L. Quezon |
| Suminunod ki | Mariano Jesús Cuenco |
| Sinundan ni | Quintin Paredes |
| Secretary of Labor | |
| Termino Nobyembre 15, 1935 – 1938 | |
| President | Manuel L. Quezon |
| Suminunod ki | Ramon Torres |
| Sinundan ni | Hermenegildo Villanueva |
| Ika-4 na Presidente pro tempore kan Senado nin Filipinas | |
| Termino 1935 – Nobyembre 15, 1935 | |
| Suminunod ki | José Clarín |
| Sinundan ni | Post Abolished Post later held by Elpidio Quirino |
| Senador kan Filipinas hale sa Ika-9 na Distrito Senatorial | |
| Termino 1928 – Nobyembre 15, 1935 Served with: Jose Ma. Veloso (1928-1935) | |
| Suminunod ki | Pastor Salazar |
| Sinundan ni | Katongdan pinara na |
| Myembro kan Philippine House of Representatives hale sa Samar, Enot na Distrito | |
| Termino 1922–1928 | |
| Suminunod ki | Pedro K. Mendiola |
| Sinundan ni | Tiburcio Tancinco |
| Personal na mga detalye | |
| Kamundagan | José Dira Avelino Agosto 5, 1890 Calbayog, Samar, Captaincy General of the Philippines |
| Kagadanan | Hulyo 21, 1986 (edad 95) |
| Nasyunalidad | Filipino |
| Partido politikal | Nacionalista (bago 1946) Liberal Party (poon 1946) |
| Agom | Enriqueta Casal |
| Mga aki | Jose Jr., Enrique, Antonio, Baltazar II, Pilar |
Siya nabantog na gayo kan tinaram niya an, "Anong rason ta yaon kita sa poder?"[2] Ining tinaram niyang ini sa Espanyol asin an reporter kan Manila Chronicle na nagbareta kaini, na mayo man toltol na pakasabot sa Espanyol, iba an linadawan na kahulogan. Sa totoo lang, an boot niyang sabihon ini: "Ano an sirbe kan satuyang poder, kun dai ta matatabangan an mga tawong nag'ambag satong kwarta, oras asin patin buhay, pagsasadiri para sa satong partido?"[3]
Mga enot na taon asin karera
baguhonSi Avelino namundag sa banwaan nin Calbayog sa Samar ki Ildefonsa Dira asin Baltazar Avelino. Siya nag'adal sa Ateneo de Manila kun saen nakua niya kan 1909 an Batsilyer en Artes na degree, summa cum laude.[4]. Sa University of Santo Tomas saiyang natapos asin nakamit an Bachelor of Laws. An Calbayog nagin sarong Siyudad kan 1948 sa paghingowa ni Avelino, kun kasuarin siya Presidente kan Senado saiyang hinimo na masaro' an tolong magkataraid na munisipyo (Oquendo, Calbayog saka Tinambacan) asin an mga ini ginibong ika-19 na siyudad nin Filipinas, Hulyo 15, 1948, petsang si Elpidio Quirino pinirmahan an Akta Republika Nu. 328 na nagboot gibohon an Calbayog komo sarong siyudad.
Si Avelino nagin konsehal sa banwaan nin Calbayog poon 1917 abot 1919. Pakalihis duwang taon, siya naelehir representante kan enot na distrito kan Samar sa Harong nin Kongreso asi n siya nagsirbe hanggan taon 1928.
Kan parehong taon 1928, si Avelino nakasikwit nin pwesto sa Senado na representado an ika-9 na distrito senatorial, poon 1928 sundo 1934. Otro nasikwit niya ikaduwang termino asin kan Ika-10 Lehislatura nin Filipinas, nagsirbe siyang Majority Floor Leader. Maray asin matingog na orador, nakua niya an respeto kan saiyang mga kairiba asin siya napiling Presidednte Pro-Tempore, dangan bilang Presidente kan Senado.[5]
Si Avelino nagkandidato para Presidente kan Filipinas durante kan eleksyon 1949, kun saen siya an ikatolong partido na kandidato sa pag'ultan kan labanan ninda Elpidio Quirino asin dating presidente José P. Laurel. Mala ta si Avelino dai naka-asba sa minamawot niya. Guminana si Quirino.[6]
Toltolan
baguhon- ↑ [1]artsandculture.google.com. Kinua 2019-05-27
- ↑ [2] Archived 2019-05-27 at the Wayback Machine.www.filipinoreporter.us Kinua 2019-05-28
- ↑ [3]web.archivde.org. Kinua 2019-05-27
- ↑ [4] gugma.samarnews,net. Kinua 2019-05-27
- ↑ [5]www.senate.gov.ph. Kinua 2019-05-27
- ↑ [6]gugma.samarnews.net Kinua 2019-05-27
