Jomar O. Obias
Si Jomar Ortil Obias namundag asin duminakula sa Belen, Calabanga, Camarines Sur. Nagklase asin naggradwar siya sa Manuel Y. Garza kan elementarya, Jose De Villa kan hayskul asin ngonyan yaon na sa Calabanga Community College (CCC) sa kurso nin Batselyer kan Edukasyon sa Larangan nin Siyensya na pinapatunayan an sadiri bilang sarong matibay na estudyante. Aki pa sana nahihiling na ni Jomar an sadiri na may mga bagay bagay na dawa saditon sana kayang tawan ning dakulang kahulugan sa sining kan pagsurat. Nagtutubod siya na sa gabos na aspeto kan hiro kan kinaban na nakapalibot saiya may rason kun tano nakakaisip siya nin magaya-gayang surat papel, kun ano an mamidbidan kan halawig niyang pag-iisip asin hidaw na kamot nakakapurot siyang adal manunggod sa realidad kan tunay na parasurat. Siya sarong huben na matibay na dawa sa larangan kan sining pagguhit bida asin palaban man ang solterong si Jomar. Mas lalong nagrarom an pagpadangat niya sa pagsurat kan husay na an panambitan niya bilang sarong tawo na may pag aalinlangan sa nakatudan na dapat igwa lamang mahiro asin maayos dawa sa paagi kan paglaom sa surat papel. Kan siya nasa hayskol mas lalong nagrarom an kakayahan niya bilang sarong parasurat kan maunrahan siya na maging parasurat nin edotryal na mas lalo pang nagpatibay sa paggibo nin mga rawit dawit, ini an naging pundasyon ngani maimbitaran na maging sarong hurado sa sarong organisasyon iyo an “Panitik ni Jose” na tinawan boses an mga baguhan na manunurat na maging matibay sa pagsurat.
Kun mabasa kita sa saiyang mga gibo maaraman ta kun gurano siya katibay sa larangan kan pagsurat arog na lamang kan “The Space Between Us”, “Pagkamoot”, “Duot na Tios”, asin iba pa. An saro sa mga gibo niya na nakataong girok iyo an "Agrangay nin Pagkamoot" na an inspirasyon ang mga inang mayong ibang iniisip kundi an ikakarahay kan saindang mga aki, an pagsakit asin pagkamoot kan ina na titioson gabos matao lang an kaya niya sa mga aki. Ini naging paagi nya para mabisto asin maaraman na siya bako sana bastang parasurat kundi totoo asin matibay na parasurat na hali sa puso asin hiro kan saiyang utak. Dahil sa saiyang biyong tibay sa pagsurat natawan siyang pagkakataon na maka attendir sa San Miguel Bay Area Writers Workshop na ginanap sa Sentral nin Bikolnon kan Unibersidad nin Agrikultura (CBSUA) na nagtaong paagi para maipasikat an saiyang talino asin abilidad sa pagsurat nin rawit dawit, nabisto siya dahil sa saiyang “Duot na Tios” na tigpresentar sa nasabing seminar. Si Jomar makinalagkalag sa palibot, tigtatawan duon an bagay na egwang papel sa literatura asin sining na nagtatao saiya nin ideya para makaboo nin sarong obra na masasabing hali sa talas kan saiyang utak. An natodan niyang paagi sa pagsurat iyo an mayong pinipiling oras asin lugar kan saiyang imahinasyon basta may maisip nakakagibo asin nakakaluwas siya nin sarong sining sa pagsurat. An man iba-ibang piyesa na napublikar sa eskwelahan kan siya aktibo pa bilang sarong miyembro an nagpatunay kan saiyang pagpadangat sa pagsurat asin pinadagos niya ngonyan sa mga manlain-lain na surat papel manunggod sa lawig kan utak niya mag-isip nin sarong suraton na natatawan appresar kan mga parabasa. Ngonyan bilang sarong nausbong na parasurat bukas man an saiyang palad sa mga dapat na maaaraman sa pagiging maorag na paragibo nin manlain-lain na surat kan rawit dawit.
Sa laog kan mundo kan parasurat gabos na bagay matatawan nin lugar para maisipan kun pano ini minahiro sa mundo asin sa utak kan sarong parasurat. An kasentrohan kun tano may nasusurat ta igwa nin magatol na kamot asin makusugon na utak ta nganeng makasurat asin makagibo nin obra maestra. Si Jomar sarong bikolanong parasurat na padagos man giraray hasta makaisip nin mga bagay-bagay na nagtataong girok manununggod sa bagay-bagay sa kinaban na saiyang hinihiruan.
