John Joseph Perez
Si John Joseph "Totep" J. Perez (gikan sa Syudad nin Naga) sarong premyadong parakanta, kompositor, paratukdo asin iyo an ganador sa Kanta Kasanggayahan Songwriting Competition kan 1994 sa saiyang komposisyon na Sarong Kanta, Sarong Musika.
Siya namundag sa Sorsogon kan Pebrero 19, 1970. Nag-adal siya sa Our Lady of Peñafrancia Seminary asin nakatapos nin Pilosopiya sa Adamson University. Nagpoon siyang magtugtog nin mga katutubong instrumento siring kan kubing asin bungkaka sasarong konsyerto sa Vincentian Hills Seminary kan 1993.
Bilang sarong tagatulod kan kultura lokal, si Perez nagsusurat nin mga kanta sa tataramon na Bikol para sa mga indibidwal asin grupo na nangangaipo kan saiyang talento. Nagin siyang tagapadalagan kan sarong proyekto na pinondohan kan National Commission for Culture and the Arts asin nagin representante kan Rehiyon Bikol sa Pagtatagpo: First Visual Arts Congress. Siya an tagapagtaram kan Sorsogon Arts Council asin kan Kasanggayahan Foundation.
