Johannes Josephus Aarts

Si Johannes Josephus Aarts (18 Agosto 1871, sa The Hague – 19 Oktobre 1934, sa Amsterdam)sarong Olandes na pintor, ilustrador, litograpo, paraukit, parakurit (etcher), parasurat, edukador asin direktor, lecturer, iskultor asin paradesenyo sa patos libro.^[1]

Buhay asin trabaho

Si Jan Aarts nagresibi kan saiyang pag'aadal sa Royal Academy of Art, The Hague. Siya aktibo hanggan 1911, asin sa Amsterdam poon 1911 abot 1934. Pinakaenot, siya sagkod 1900, an pigtatrabaho mga ukit. Dangan kaidto naghingowa na siyang magusar ibang medyum. Sa mga obra niya, makukua mga representasyon nin mga parauma, mga nagtatrabaho sa sagop, asin dangan piglaladawan na niya mga alabado, parapalimos asin mga may kadi'nan. Pag'ultan kan 1920 asin 1930 siya nagpinta nin mga tanawon na may mga kahulogan kan kataposan kan kinaban.

Si Aarts parati nasurat man sa peryodikong Het Vaderland sa The Hague; nagtukdo man siya sa Arts Academy sa The Hague, asin ngapit nagin siyang propesor sa Royal Academy kan Amsterdam; nagprodyusir man siyang mga iskultura para sa mga pangenot niyang pag'adal sa mga pagpinta. Nakatabang na gayo siya sa pagbuhay asin pagpukaw interes sa Olandes kan mga iba-ibang teknik nin pagpinta. Siya nagpinta nin mga retrato, mga hayop, asin mga tanawon, sa siyudad asin sa kakadlaganan.