Joan Peñera

Si Joan Zamudio Peñera, 26 anyos, ipinangaki kan ika-21 kan Pebrero taon 1998. Siya nakaistar sa Brgy. Sabang Calabanga Camarines Sur. Nagtapos siya sa pagklase nin kolehiyo sa CBSUA-Calabanga. Sa kasalukuyan, siya sarong paratukdo sa pampublikong eskwelahan kan Jose C. Prevosa Sr. National High sa Sto. Domingo Calabanga, Camarines Sur.

Siya nagpuon maging interesado sa pagsusurat kan siya yaon sa sekondarya. Namutan niya magsurat nin huli ta naging inspirasyon niya an mga bisto niya na Bicolano writers, an saiyang mga amigo, asin saiyang mga instruktor sa kolehiyo. Kung kaya, siya nagsumite nin pirang mga dagli sa mga online contest kan pandemya.

Taon 2020, nagtao siya nin onra kan nagi’n siya ning saro sa mga naging kontributor kan Takatak. Duwa sa saiyang sinurat iyo ang “Dapog” asin “Si Tya Melba”, pareho ining napili tanganing mapabilang sa 100 longlisted entries kan Takatak Bicol Flash Fiction Writing Competition asin kan Savagemind Bookshop. Dagdag onra pa na an saiyang dagli na may titulong “Dapog” napabilang pa sa 15 shortlisted entries asing binistong “Netizens Choice Award”. Nagi’n kontributor pa siya kan “Kalimbahin: Mga Dagli” asin naipublikar duman an saiyang gibo na “Gala” asin “Ina”.

Siya man nagpartisipar sa ika-apat na CBSUA writers workshop asin sa “Gemino H. Abad Seminar Workshop for Teachers on Teaching Creative Writing” kan Likhaan UP Institute of Creative Writing. Patunay sana ang mga iyan na siya sarong dedikado, matibay asin talentado sa larangan nin parasurat.