Jacques Aved
Si Jacques-André-Joseph Aved (12 Enero 1702 – 4 Marso 1766), inaapod man le Camelot (An Parabalidya) asin Avet le Batave (An Olandes si Avet), sarong Pranses na pintor kan ika-18ng siglo asin saro sa mayor na Pranses na Rococong parapintura. Siya nagpintura kan embahador kan Imperyo Ottoman sa Pransya na si Yirmisekizzade Mehmed Said Efendi kan 1742.[1]
_-_001.jpg)
An ama niya sarong mediko asin ta siya nailong-lubos kan aki pa. Siya pinadakula sa Amsterdam kan saro sa saiyang tiyoon, kapitan sa Hokbong Olandes.[2]
Pakaadal niya sa Amsterdam sa pagmato ninda François Boitard asin Bernard Picart, si Jacques Aved nagpoon magtrabahon sa Paris ki Belle kan 1721. Dangan kaidto siya nag'entra sa Royal Academy of Painting and Sculpture (Académie royale de peinture et de sculpture) kan 1731 asin ta siya nanombrahan konsehal pakagradwar kan 1734, asin kan 1759, siya nagpartisipar sa ultimong salon. Kan 1753 siya nagin myembro sa Confrerie Pictura.[3]
Bilang tagabenta sa arte asin tagatipon, siya may dakula asin importanteng mga koleksyon na kabarali mga trabaho kan mga Italyano, Pranses asin orog na kan mga artistang Olandes. An koleksyon na ini ibinenta sa sarong subasta kan 1766.
Si Carle Van Loo, François Boucher, Dumont le Romain asin Chardin iyo an magkapira sa mga estudyante niya.
Kataytayan nin mga ladawan
baguhon
Mga nota
baguhon| An Wikimedia Commons igwa nin medya dapit sa Jacques Aved. |
- ↑ Göçek 1987, p. 80; ill. p. 70.
- ↑ Page 15 (40)- Galerie Douaisienne ou Biographie de la Ville de Douai par H. Duthillœul -imprimé par Adam Aubers à Douai en 1884 -archivé à la Bibliotheca Bodletana numérisé par Google Books
- ↑ Jacques André Joseph Camellot Aved in the RKD
