Jürgen Kröger

Si Jürgen Kröger (16 Nobyembre 1856 sa Haale, Alemanya – 27 Pebrero 1928 sa Aukrug) sarong arkitektong Aleman, aktibo poon 1880 sundo 1920. May titulo siyang "(kaiserlicher) Baurat" kan 1908, asin tagatokdo sa arkitektura ki Emperador Wilhelm II. Si Kröger notado kan saiyang mga konstruksyon kan mga edipisyo nin simbahan protestante. An poetang si Timm Kröger saiyang tatahon.

Jürgen Kröger

Lapida sa lulubngan ni Jürgen Kröger

Plaque Passage ni Jürgen Kröger - Metz

Biograpiya

Si Kröger nagpoon kan saiyang pag'ensayo kan 1873 sa eskwelahan Göttsche, sarong adalan nin mga panday sa Hohenwestedt. siya nakapasar kan saiyang arkitekturang kurso na may onra kan 1880 sa sarong eskwelahan sa Eckernförde. Dangan siya nagtrabaho bilang espesyalista sa konstruksyon sa dibisyon konstruksyon kan Departamento sa Gera sa Altona, Hamburg. Kan 1882, siya nakua na magtrabaho sa opisina kan si bantogan na arkitektong si Johannes Otzen duman sa Berlin. Kan 1988 si Kröger nagsadiri na asin primeramented an mga pigtogdok niya mga simbahan kan Protestante, orog nang sa istilong neogothic kan mga nagsurunod na dekada. An saiyang pinakadakulang kahamanan kabali an Gare de Metz-Ville. Sa inagurasyon kaini kan 17 Agosto 1908, si Kaiser Wilhelm II pignombrahan siyang "(kaiserlicher) Baurat".

Mga obrang pili

• 
  St. Michaelis Kirche sa Bremen
• 
  Kirchturm sa Aukrug-Innien
• 
  Nathanaelkirche sa Berlin
• 
  Evangelische Kirche Alt-Tegel sa Berlin
• 
  Bahnhof sa Metz
• 
  Hotel Metz sa Metz