István Medgyaszay

Si István Medgyaszay (namundag Benkó) (23 Agosto 1877 sa Budapest – 29 Abril 1959 sa Budapest) sarong Hunggarong arkitekto asin parasurat.^[1] Siya an enot na nag'usar kan mga Hunggarong folk idiom, partikularmente haleng Transylvania, asin ipinagkombinar niya ini sa mga impluwensyang gikan Harayong Subangan asin sa mga organikong arkitektura.

Si Medgyaszay nag'adal sa Vienna Academy of Fine Arts (bilang estudyante ni Otto Wagner) asin man sa Budapest Hungarian Academy of Fine Arts.^[1] Ginana niya an komisyon sa pagdesenyo kan panteon nasyonal kan 1903 dangan nakagradwar sunod na taon. Pakatapos pang mga dagdag na adal sa luwas kan nasyon nag'ule siya sa sadiring lugar asin nagpoon magtrabaho sa kombinasyon kan sinasabing teknolohiya sa 'reinforced concrete' na pigkombinar sa mga elementong desenyong folkloriko. Siya nagbyahe man sa norte Aprika asin sa Indya sa pagf'adal arkitektura duman.

Kan 1906, rinibayan niya an dating apelyido niyang Benkó sa apelyido kan lolo kan ina niya na Medgyaszay.

Si Medgyaszay may marayrahay na karera akademiko asin halangkaw an paghiling saiya kan publiko. Kan uminabot an mga Komunista kan paghinapos nin 1940, siya tinutuyaw nang gayo na apolitikal daa asin sobrang pormalista an pagtrato sa arte. Dai na siya nakakua nin pundo sa pagretiro asin pinapondo siya sa saiyng trabaho kan komunistang Estado taon 1959. Pakalihis sanang tolong semana kaini, siya nagadan.

Mayor na mga trabaho baguhon

Arkitektura baguhon

Panteon Nasyonal, 1903, dai natugdok (nangganang 5 Eureopeong premyo para sa desenyong ini)
Pabilyon sa Milan exposition, 1906
Mga harong nin mga artista, Gödöllő, 1904–06
Teatro, Veszprém, 1908
Teqatro, Sopron, 1908–09
Budapest Opera House, pigpatugdok giraray, 1912
Teatro, Miskolc, rebuilding, 1922
Mga iba-ibang edipisyo nin simbahan: Rárósmúlyad (1910); Ógyalla (1912); Püspökladány (1921); Kenderes (1922); Csillaghegy (1935)

Mga surat literaryo baguhon

bilang apelyidong Benkó

Körösfő (1905)
Egy-egy székely házról, faluról (Szekler house, szekler village) (1905)
Népünk művészetéről (Our people's art) (1906)

bilang apelyidong Medgyaszay

VASBETON MŰVÉSZI FORMÁJA (Artistic form of reinforced concrete) (1908)- Reprint: Ars Hungarica 1983/2.
A vasbeton művészi formáiról (Artistic form of ferro-concrete) (1909)
A hun-magyar ókori művészet. Székfoglaló beszéd (The Hun-Hungarian ancient art. Inaugural speech) (1927)
Művészet és népművészet (Art and folklore) (1942)

Mga proyektong napahaman (imahe) baguhon

Simbahan ni Sta. Elizabeth sa Mula
Simbahan ni St Ladislaus, Hurbanovo
Pagoda Hotel, (Mátraháza)
Hungarian Adventist Church, Budapest
Temple, Budapest, Hungary

Toltolan baguhon

↑ ^1.0 ^1.1 Medgyaszay István, Hungarian Electronic Library, retrieved 13 May 2012 Lua error in Module:In_lang at line 40: attempt to call local 'name_from_tag' (a nil value).

Pinopoonan an artikulong ini. Makakatabang ka sa Bikol Wikipedia sa pagparambong kaining pahina.

[MEK-1] 1.0 ^1.1 Medgyaszay István, Hungarian Electronic Library, retrieved 13 May 2012 Lua error in Module:In_lang at line 40: attempt to call local 'name_from_tag' (a nil value).

[1]