Wikipedia

Isabella Kelly

Si Isabella Kelly, née Fordyce o Isabella Hedgeland (1759–1857) sarong Scottish na nobelista asin poet.[1] An saiyang mga nobela sinasabing nakakaagid kay Ann Radcliffe.

Pamilya

baguhon

Si Isabella Fordyce namundag sa Cairnburgh Castle sa Scottish Highlands asin binunyagan kan 4 Mayo 1759, bilang aki ni William Fordyce, opisyal kan Royal Marines asin kan huri naging courtier, asin ni Elizabeth (née Fraser). Pareho niyang magurang itinakwil kan saindang mga mayamang pamilyang Scottish matapos sindang magpakasal.

An napangagom niya iyo si Robert Hawke Kelly (nagadan kan o bago 1807, siguro sa Madras), sarong magastos na opisyal sa East India Company.[1] Nagkaigwa sinda nin kisiera tolong aki, kaiba an duwang aking babae (saro na tibaad nagadan sa pagkaaki) asin sarong abogadong lalaki, si Fitzroy Edward Kelly, na nagin Abogado-Heneral. Saro pang aking lalaki, si William, naamigong marhay kan parasurat na si Matthew Lewis, tibaad may seksuwal na katuyuhan.[2] An panduwa niyang kasal, sa sarong negosyante na an pangaran Hedgeland, nagtapos pakalihis nin sarong taon kan siya nagadan.[3]

Nagadan siya kan 98 anyos sa 20 Chapel Street (siguro itong yaon sa Belgravia), London, kan 25 Hunyo 1857 asin ilinubong sa Kensal Green Cemetery.[1]

Mga Tula

baguhon

Dakul nagsuskribi sa Collection of Poems and Fables (1794, ika-2 e. 1807) ni Kelly. Sinabi niya na may nagkapirang sa mga piyesa kaiyan sinurat niya bago pa siya mag-14 anyos. Ini "kaiba an pathos asin komedyang sosyal....Kan huri inapod niya an saiyang mga tula na 'masyadong personal para magpawili sa pangkagabsan'."[3]

Mga Nobela

baguhon

An sampulong nobela ni Kelly nagsilbi sa popular na panlasa na garo may pigmumultuhang mga abbey, cross-dressing para sa pagbabalat-kayo, asin mga bunga nin kalaswaan." Sinabi niya sa Royal Literary Fund kan 1832 na siya nagsurat na nin sampulong nobela, mga pang-edukasyon, asin nagkapirang bagong historikong nobela na aram niyang lipas na sa panahon.[3] Nagkapira digdi ipinublikar kan Minerva Press".[4]

Naobserbaran kan mga kritiko an pagkakaagid sa isinurat ni Ann Radcliffe sa saiyang pagdulok sa nobela nin Gotico.[5] An British Critic, pagsurat kan 1798, inako na si Joscelina... inosente asin nakapagtotokdo, alagad sala sa paggiya kan heroina "paagi sa siring na manlaenlaen na pagsubok asin pagsakit, na dai man nanggad pwedeng maholog sa maski isay na tawo."[6] Sa Eva, si Kelly saro sa nagkapirang autor kan aldaw, kaiba si Mateo Lewis, na nagsalakay sa selibasiya, paagi sa karakter na Agatha, na habong magduman sa sarong kumbento huli ta maringison an pag-api para tanggihan an mga babae "kan normal na bendisyon nin harong asin aki."[7]

An saiyang nobela na The Secret hinale sa halipot na panahon alagad taman man kan Monthly Review kan Oktubre 1806: "An mga naoogmang marhay sa daing serbing misteryo asin dai man kaipuhan na makuring takot tibaad maugmahan paagi sa pagbasa kan mga tomong ini: pero, sa paghusgar mi, an paghorophorop sa siring na mga estorya may kaibang mas maraot pang epekto kisa pagsayang sana nin panahon. Ini may posibilidad na makabuo nin sarong may helang at maangguton na disposisyon kan pag-iisip, nagtatao nin pansamantalang pagkabigla magin sa mga talino na marhay, alagad nagpapasigla asin permanenteng nakakahelang sa mga maluluya."[8]

  • Madeline, o The Castle of Montgomery (1794) (ipinublikar na dai midbid)
  • The Abbey of St Asaph (1795) ("kan autor kan Madeline")
  • The Ruins of Avondale Priory (1796)
  • Joscelina, o The Rewards of Benevolence (1797)
  • Eva (1799)
  • Ruthinglenne, o The Critical Moment (1801)
  • Edwardina (1801) (ipinublikar sa irarom kan pseudonym na "Catherine Harris")
  • The Baron's Daughter (1802)
  • A Modern Incident in Domestic Life (1803)
  • The Secret (1805)
  • Jane de Dunstaneville, o Characters as They Are(1813)

Bakong Piksyon

baguhon
  • Sarong gramatikang Pranses para sa mga aki[1] asin iba pang gibong pagtotokdo
  • Instructive Anecdotes for Youth (1819)
  • A Memoir of the Late Mrs. Henrietta Fordyce (sarong gurang nang relatibo niya na hinihiling nin mga katemporanyo bilang arketipal na Scots namamahal, ipinublikar na dai midbid) [9]

Mga Toltolan

baguhon
  1. ↑ 1.0 1.1 1.2 1.3 Richard Greene, "Kelly, Isabella (baptised 1759, died 1857)", rev. Pam Perkins, Oxford Dictionary of National Biography, Oxford University Press, 2004 Retrieved 19 March 2015
  2. ↑ Iain Powell: "Isabella Kelly – Genuine Gothic Genius?" Corvey "Adopt an Author" Retrieved 19 March 2015 Archived 9 April 2023 at the Wayback Machine..
  3. ↑ 3.0 3.1 3.2 The Feminist Companion to Literature in English, Virginia Blain, Patricia Clements and Isobel Grundy, eds (London: Batsford, 1990), pp. 602–603.
  4. ↑ Orlando entry. Retrieved 19 March 2015. Archived 27 July 2016 at the Wayback Machine.
  5. ↑ See this analysis of Kelly's The Abbey of St. Asaph by Tenille Nowak: Retrieved 20 March 2015.
  6. ↑ The British Critic, Vol. 11, p. 317. Retrieved 20 March 2015.
  7. ↑ Mary Ellen Snodgrass: Encyclopedia of Gothic Literature (New York, 2005), p. 11.
  8. ↑ Quoted in Gothic Heroine blog. Retrieved 19 March 2015.
  9. ↑ Mary Catherine Moran, "Fordyce , Henrietta (1734–1823)", Oxford Dictionary of National Biography, Oxford University Press, 2004 Retrieved 20 March 2015
Kinua sa "https://bcl.wikipedia.org/w/index.php?title=Isabella_Kelly&oldid=280254"