Irena Sendler

Si Irena Stanisława Sendler (née Krzyżanowska), bisto man sa pangaran na Irena Sendlerowa sa Polonya, igwang tagong-ngaran na "Jolanta" (15 Pebrero 1910 – 12 Mayo 2008), sarong Polakong nars, social worker, humanitaryo na nagsirbe sa Polish Underground sa laog kan Warsaw na okupado kan pwersang Aleman durante kan Ikaduwang Gerang Pankinaban asin siya aktibo sa mga taon 1942 abot 1945 kun kasuarin siya an pamayo kan inapod na Zegota, an Konseho Polako sa Pagtabang sa mga Hudyo

Irena Sendler
Sendler c. 1942
Kamundagan	Irena Krzyżanowska (1910-02-15)15 Pebrero 1910 Otwock, Polonya
Kagadanan	12 Mayo 2008(2008-05-12) (edad 98) Warsaw, Polonya
Trabaho	Social worker, humanitaryo
Relihiyon	Katoliko Romano
Agom	Mieczyslaw Sendler (1931–1947; dibursyado) Stefan Zgrzembski (1947–1959; dibursyado; 3 aki) Mieczyslaw Sendler (1960s; dibursyado)
Mga magurang	Stanisław Krzyżanowski Janina Krzyżanowska

Sa tabang nin mga duwang dosenang myembro kan Zegota, si Sandler nahimong mapalusot asin mapadulag an mga 2,500 mga aking Hudyong nakukulong sa laog kan Warsaw Ghetto, bagay na nairayo sinda sa makuring maltrato asin kagadanan. Maliban sa mga sinasabing mga diplomata na napapadulag an mga Hudyo sa Ghetto paagi pagtao nin pekeng visa ngane makadulag sa mga parte kan Europa nasakop kan mga Nazi, si Sandler iyo na an indibiwal na may pinakadakul nailigtas na mga Hudyong mga aki

Alagad an gibong hilom niyang ini nadiskubre asin siya inaresto kan Gestapo, kinadog na daing siring, asin sinentensyahan kagadanan alagad sa kun anong swerte siya nailigtas asin nabuhay, nagkapamilya, naglawig pa an buhay asin nagadan sa edad na 98. Kan 1965, si Sendler binisto kan Israel, ginawadan kan onrang Righteous among the Nations. Kan siya gurang na, an Polonya ginawadan siya kan onrang Order of the White Eagle, na ini na an pinakahalangkaw na gawad, para sa mga naginibohan niya kan panahon nin gera.

Mga panluwas na takod

[3] Mga nadukayan na dai pa araram manongod ki Sendler. Kinuan 07-12-17.

Galeriya

• 
  Irena Sendler kan 1942.
• 
  Irena Sendler kan 1944.
• 
  Tinanom para ki Irena Sendler namogtak sa Tinampo nin mga Matanos sa Yad Vashem, Israel.
• Bareta sa peryodiko manongod pagkagadan ni Irena Sendler.
  Bareta sa peryodiko manongod pagkagadan ni Irena Sendler.
• 
  Pagdapit ki Irena Sendler.
• 
  Lolobngan ni Irena Sendler sa Kamposanto Powązki.
• 
  Lapida ki Irena Sendler sa kamposanto Powązki.
• 
  Plakeng memorial sa pader kan Kalye Pawińskiego sa Warsaw.
• 
  An dalan pasiring POLIN Museum of the History of Polish Jews inginaran ki Irena Sendler.
• 
  Aleja Ireny Sendlerowej.
• 
  Iskultura ki Irena Sendler ni Claudia Guderian, sa Irena Sendler School, Hamburg, Alemanya.
• 
  Bronseng plake sa Piotrków Trybunalski pig'oosipon an kabtang kan buhay niya..