An inhenyeriya, inhenyeria, o inhinyeriya (Ingles: engineering) iyo an paggamit nin siyensya sa paghaman asin pagtugdok nin mga makina, istraktura, asin iba pang mga bagay, kabali na an mga tulay, tunnel, tinampo, behikulo, asin edipisyo.[1] An disiplina kan inhenyeriya iyo minasakop sa mahiwas na rango nin mga espesyalisadong lado nin inhenyeriya, kun sain an kada saro iyo may mas ispesipikong empasis sa partikular na lado nin aplikadong matematika, aplikadong siyensya, asin mga klase nin aplikasyon.

An paggibo nin mga bagay uli sa pangangaipo kan katawohan (arug kan mga tulay) iyo saro sa ambag kan inhenyeriya sa modernong sibilisasyon.

An terminnong inhenyeriya iyo gikan sa Latin na ingenium, boot-sabihon "marikas na pagkanood" asin ingeniare, boot-sabihon "maghaman".[2] Inaapod na inhenyero o inhinyero (engineer) an mga tawong yaon sa propesyong ini. An kinaibahan ninda sa mga siyentista iyo ta an mga inhinyero an "kag-gibo" asin an mga siyentista daa an "kag-aram".

Mga klasipikasyonLiwaton

May apat na primerong klasipikasyon an inhenyeriya iyo ini an inhinyeriyang pangkimika, sibil, elektrikal, asin mekanikal.[3]

  1. Inhinyeriyang pangkimika (Chemical engineering)
  2. Inhinyeriyang sibil (Civil engineering)
  3. Inhinyeriyang elektrikal (Electrical engineering)
  4. Inhinyeriyang mekanikal (Mechanical engineering)

Sa paghaloy nin panahon igwang mga dugang na klasipikasyon nin inhenyeriya an mga nagluwas bilang propesyon. Ini mga ispesipiko o pagsalak-salak gikan sa mga primerong klasipikasyon kan inhenyeriya.[3]

Panluwas na takodLiwaton

  •   An diksyunaryong boot sabihon kan inhenyeriya sa Wiktionary
  •   Mga relatibong materyales nin pagkanood para sa Inhenyeriya duman sa Wikiversity
  •   Mga relatibong Quotation para sa Inhenyeriya duman sa Wikiquote
  •   Mga relatibong gibo para sa Inhenyeriya sa Wikisource

ToltolanLiwaton

  1. definition of "engineering" from the https://dictionary.cambridge.org/dictionary/english/ Cambridge Academic Content Dictionary © Cambridge University
  2. "About IAENG". iaeng.org. International Association of Engineers. Retrieved December 17, 2016. 
  3. 3.0 3.1 https://www.snhu.edu/about-us/newsroom/2018/06/types-of-engineering