Indrani

Si Indrani (Sanskrito: इन्द्राणी, IAST: Indrāṇī), bisto man sa Shachi (Sanskrit: शची, IAST: Śacī), an reyna kan mga deva sa Hinduismo. Ilinaladawan na magayon, mapalangkaw asin maboot, siya an aking babae kan asura Puloman asin konsorte kan hade kan mga deva na si Indra.

c. 1500–1600 Si Indrani gikan sa Nepal, ilinadawan bilang konsorte ni Indra

Segun sa leyenda, huli sa saiyang langitnon na kagayonan asin senswalidad, si Indrani minawot nin dakol na tawo, na an dakol sa sainda nagprobar na pakasalan siya. Kan mayo si Indra mantang nagsasagibo nin pagbasol nin huli ta ginadan niya si Vritasura, si Nahusha, sarong mortal na hade kan dinastiyang Lunar, iyo an napiling tagapamahala kan langit. An huri nagprobar na akiton si Shachi asin gibohon siyang reyna, minsan ngani may katusohan niyang ginadan an pakana na haleon siya sa trono asin sa huri makipagsaroan giraray sa saiyang agom.

Si Indrani (o Aindri) saro man sa Sapta Matrika - an pitong inang dios. Saro siyang importanteng diyosa sa Shaktismo, sarong mayor na sekta nin Hinduismo. Bihira ining sambahon bilang sarong independienteng diyos asin parati siyang pigsasamba ki Indra sa bilog na India. Saro man siyang diyosa sa Jainismo asin Budhismo, nasambit sa mga teksto ninda.

Ikonograpiya asin pagsamba

An mga iskultura ni Indrani asin Indra komun sa mga templong Hindu. Sinda tipikal na ilinadawan na nakatukaw sa puting elepante Airavata. Mantang ipinapaliwanag an ikonograpiya bilang iyo an ilinadawan sa Vishnudharmottara, an arkeologong si T.A. Gopinatha Roa isinurat na si Indrani dapat na iladawan na igwa nin duwang takyag, nakatukaw sa kolkolan kan saiyang agom. Siya igwa nin bulawan na kublit asin nakasulot nin asul na gubing. An saro sa saiyang kamot nakakugos ki Indra, mantang an saro nagdadara nin santana-manjari.