Ilia Beshkov
Si Ilia Beshkov Dunov (Bulgarian: Илия Бешков Дунов; 24 Hulyo 1901 – 23 Enero 1958) sarong Bulgarong pintor, artista grapika, artista sa komiks,[1] karikaturista,[2] cartoonist,[3] ilustrador, parasurat asin edukador.
| Ilia Beshkov | |
|---|---|
.jpg) Beshkov kan 1920s | |
| Kamundagan | 24 Hulyo 1901 Dolni Dabnik, Bulgaria |
| Kagadanan | 23 Enero 1958 Sofia, Bulgaria |
| Nasyunalidad | Bulgaro |
| Midbid bilang | Artista |
Buhay baguhon
Si Beshkov namundag kan 1901 sa Dolni Dabnik, ngonyan ini sarong sadit na sanang banwaan harani sa Pleven sa Probinsya nin Pleven, sa bandang sentral, norte nin Bulgarya. Kan 1918–1920, siya nag'adal sa Faculty of Law of Sofia University asin madalian sanang nagbalik sa sadiring lugar na Dolni Dabnik ta nagtukdo. Kan 1921, siya nag'entra sa pag'adal nin pagpintura sa National Academy of Arts, sa klase ni propesor Nikola Marinov. Naggradwar siya kan taon 1926.
Kan estudyante pa siya, si Beshkov nagpublikar mga karikatura sa Maskarad, Div Dyado, Balgaran, Starshel asin sa Vik na magasin asin siya an nagtaong ilustrasyon sa mga isyu kan mga pinapaimprinta sa T. F. Chipev asin Hemus na mga paimprentahan. Poon 1925 asin pasige, siya nakianduyog sa Pladne magasin asin sa iba pa. Duwang beses siya naaresto huli sa mga makawala niyang pana'naw sa politika.
Kn 1930, si Beshkov nagin kaapil sa Narodno Izkustvo na hiron. Saro siya sa kagmukna kan bantogan na peryodikong Sturshel (Hornet) kan 1940, asin nagpapublikar igdi nin mga artikulo na dai nagamit anonimong pangaran. Saro sa magayonon niyang karakter sa komiks iyo an 'Spekulanta Maks'. Kan 1945, nagin siyang tagalektura sa drowing, ilustrasyon asin desenyo sa imprinta sa National Academy of Fine Art; siya napiling propesor na permanentehan kan 1953 asin nagin pamayo kan Department of Graphics abot sa terminong siya nagadan kan 1958 sa Sofia.
An mga karikatura politikal ni Beshkov notado komo may pagsusudo' asin may hararom na kahulogan.
An mga trabaho niya makatawo, demokratiko, rebolusyonaryo asin pangnasyonal sa sakop. An art gallery sa Pleven ipigngaran saiya sa pag'onra asin kadakulan kan saiyang obra yaon duman nakasaray asin nakadispley.
Toltolan baguhon
- "БЕШКОВ Илия (Илия Бешков Дунов) (1901-58)". Българска енциклопедия А-Я (in Bulgarian). БАН, Труд, Сирма. 2002. ISBN 954-8104-08-3. OCLC 163361648.
- "Колекцията от творби на Илия Бешков" (in Bulgarian). Художествена галерия "Илия Бешков" Плевен. Archived from the original on 2009-02-12. Retrieved 2008-11-14. Unknown parameter
|url-status=ignored (help)
