Ignacio Villamor
Si Ignacio Borbon Villamor (Pebrero 1, 1863 – Mayo 23, 1933) sarong Filipinong abogado, nagin Katuwang na Hukom sa Korte Suprema. Siya namundag sa Abra, Filipinas asin kaenot-enoteng Filipinong presidente kan Unibersidad kan Pilipinas. Si mahistradong Villamor iyo an ama kan aviation hero na si Kapitan Jesus A. Villamor, an kumander kan 6th Pursuit Squadron, sa lindong kan Philippine Army Air Corps.
Kaamayi sa Buhay
baguhonSi Ignacio B. Villamor namundag sa Bangued, Abra kan Pebrero 1, 1863 sa mga magurang niyang sinda Florencio Villamor asin Wenceslawa Borbon. Hubinon pa siya kan nagadan an saiyang ama. Nagpoon kuta pag'adal sa Seminario Conciliar kan Vigan, Ilocos Sur alagad dai mansana nagpadagos. Kan 1882, siya nag'entra sa San Juan de Letran sa Manila asin nakamit an Batsilyer en Arte asin an master's degree sa Unibersidad nin Santo Tomas. Sa Unibersidad na ini, siya nakatapos nin abogasiya kan Marso kan 1893 manta na tinatapos an adal sa duwang-taon na kurso sa Literatura asin Pilosopiya. Siya nakapangagom ki Mariquita Flores asin pagsasaro ninda nagbunga nin limang aki.[1]
Karera
baguhonEdukasyon
Siya an kagtugdas kan College of San Antonio de Padua kan 1889,[2] asin siya man an delegado kan saiyang probinsya duman sa Kongreso nin Malolos asin siya partisipadong gayo sa pagpanday kan Konstitusyon Filipina, urog na sa probisyon mapadapit kan edukasyon unibersal para sa gabos. Katuwang si Enrique Mendiola, sinda nagmukna kan Liceo de Manila[1] kan Hunyo 29, 1900 kun saen siya nagin profesor asin sekretaryo.[1]
Hudikatura
Kan Pebrero 16, 1901, siya nagsirbe bilang prosecuting fiscal sa Pangasinan asin nagin juez sa Court of First Instance kan ikaanom na judicial district, na binibilog kan Cavite, Laguna, asin Tayabas. Dangan siya nanombrahan Solicitor General poon Hulyo 17, 1906 abot Hulyo 1, 1908 asin nanombrahan Attorney General of the Philippines poon Hulyo 1, 1908 sundo Hunyo 30, 1914.[1]
Kan 1913, si Villamor iyo an nagin Sekretaryo Ehekutibo kan Philippine Commission nin Filipinas, asin direktor kan Bureau of Customs kan 1918.[1]
Unibersidad kan Pilipinas
baguhonSiya nanombrahan presidente kan Unibersidad kan Pilipinas (UP) kan 1915, asin siya na ngani an pinakaenot na Filipinong nagtukaw bilang pamayo kan UP na sinalidahan niya an Amerikanong si Murray Bartlett.[1] Sa pamamayo niya, an UP nagdakula, mala ta nadugang an mga iba pang departamento arog kan Conservatory of Music[3] an pagbukas kan College of Education asin kan University High School.[4] An Junior College of Liberal Arts sa Cebu City natugdas man. Sa paguunoy asin pagsunson ni Cebu Governor Manuel Roa na iyo an nagpetisyon kan pagtugdas kaini kan Abril 30, 1918, na siring na pangyayari namukna sa ri'gon kan Akta Nu. 2759 na ini man inampuyonan ni Speaker of the Philippine Commission Sergio Osmeña. Kan an kolehiyong ini nagbukas kan Hulyo 1, 1918, an enot na registrar iyo si Paulino Gullas na an enot man na dekano iyo si Dr. Lawrence Wharton.[5]
Ibang talento
baguhonSi Ignacio Villamor tataong magtaram, magsurat asin magbasa asin nakakasurat man sa Ingles, Espanyol, Latin, Ilokano, Tagalog asin iba pang mga lenggwahe kan Filipinas. Lingaan niya an magtogtog sa gitara, saka siya may sa edukadong pag'apresyar sa arte asin iskultura. Mahiwas siyang nagbasa asin nakatipon nin hustong kabatiran sa agrikultura, edukasyon, sosyolohiya, historya asin dangan kaini nakamit an distingidong reputasyon sa mga aktibidad na ini komo tunay na iskolar. [1]
Sa hiwas kan karera niya, nahimo niyang magsurat asin magpalagda nin kun ano-anong publikasyon nagsesentro sa saiyang adal asin mga interes.
Publikasyon
baguhonToltolan
baguhon- ↑ 1.0 1.1 1.2 1.3 1.4 1.5 1.6 "On May 24, 1915, Ignacio Villamor was elected president of the University of the Philippines". The Kahimyang Project (in English). Retrieved 2019-05-24.
- ↑ "Senators Profile - Ramon Diokno". www.senate.gov.ph. Retrieved 2019-05-24.
- ↑ "History of the College". music.upd.edu.ph. Archived from the original on 2019-05-25. Retrieved 2019-05-25.
- ↑ "University History". University of the Philippines (in English). Retrieved 2019-05-25.
- ↑ [1] Heritage Celebration to Honor Cebu's Builders, Entrepreneurs. Kinua 10-17-20.
- ↑ Villamor, Ignacio (2018-01-30). Criminality in the Philippine Islands, 1903-1908 (Classic Reprint) (in English). Fb&c Limited. ISBN 9780267237845.
- ↑ Villamor, Ignacio (1913). Fraudes electorales y sus remedios: conferencia ante "The Philippine Columbian Association" en el auditorium. De la Escuela Normal de Manila el día 13/X/1812 (in Spanish). Impr. I. R. Morales.
- ↑ Villamor, Ignacio (1932). Industrious Men (in English). Oriental Commercial Company.
- ↑ Villamor, Ignacio (1922). La antigua escritura filipina deducida por Dn. Ignacio Villamor del Belarmino y otros antiguos documentos (in English). Islas Filipinas.
