Hostis

An hostis (apod man, "kalampunay", "talong punay" ^[1]^[2] sarong klaseng tinanom (Ingles, scopolamine; Espanyol, escopolamina), (syantipikong apod, scopolamine hydrobromide, o Hyoscine hydrobromide) sakop sa genus na Scopolia. Ginagamit ini sa medisina alagad tagong ginagamit ini sa mga aktong kriminal paagi nin pagpaturog sa tawo ngane dai mag'aram kun sinda hinaha'bonan o ginigibohan maraot. Igdi pinasisinghot an polbos o sinasalak sa inomon. An sobrang tomar kaini napawarang malay sa tawo, o an hosoyhosoy garo na sa zombie o deretsong nagagadan. Sinasabing an epekto nalilingaw an ginibohan kun anong nangyari kan siya biniktima paagi kan drogang ini.^[3]^[4]^[5]

Sa Latin Amerika arog kan Venenzuela asin Colombia apod man igdi "burundanga", o "borrachera" asin inapod pa man sa Ingles na "Devil's breath". An tinanom na ini nakaagid na gayo sa hitsura asin sa kabantigan niya sa inapod na Angel's Trumpet (Brugmansia suaveolens)

Gamit sa pagbulong ^[6]^[7]:

Ginikanan kan arapodan

Igdi sa Bicol, an mga gurang may sarambiton manongod kan tinanom na ini: "kun aldaw dai makahiling na tanos, kun banggi nangangamyo sa hamot" palibhasa nakaduruko an mga burak asin kun banggi an hamot kaini nangangamyong biyo. Iyo gayod ini kun napano ta naapod "hostis", hale sa tataramon na "hostess".

Mga gamit sa pagbulong

pagkaliyo o pagkaribong pakatapos operasyon, asin ginagamit man kan mga pararorip ngane dai sobra maliyo sa irarom;
pagkalula
pagpupuros gastrointestinal o renal
paggatok kan mata
sa sobrang paglalaway
pagpahunat kan kalintataw sa tuyong pag'eksamen kaini
pagkontrol kan kibig-kibig sa helang na Parkinson's
pampagian sa paghangos kun inaatake nin hapo' ^[8]

Epekto sa hawak kun ini nahahamil

Kun an natotomar kaini sobra sa tamang dosis, ini pwedeng ikagadan alagad maliban sa pagkagadan nadara ini kun ano-anong mga mate, siring kan:

pagborahat kan kalintataw (mydriasis)
paralisis o paghirigot kan masel
pagkaliyo asin pagkaribong na garo "naglalangoy" an isip
pag'alang kan nguso
pagbugris
pagkalisang, o hallucination sa pagdangog asin pagmaan
pagkutad kan puso na sobra sa normal (tachycardia)
pagtoog kan mga masel sa ibang parte kan mata (cycloplegia)

Ginagamit sa aktong krimen

An hostis sinasabing saro sa peligrosong droga na may makuring epekto sa tawo mala nadukayan kan mga kriminal (siring kan sa Colombia, Tailandya asin kan mga budol-budol gang sa Filipinas) na mabantig na pandruga sa tinutuyong biktimahon ninda. Ini daa dinadarang patago sa pormang polbos asin pinapasa'ngab sana o pinapaparong o kun dai man ibinobodbod sa inomon asin ta naratom tolos sa hawak. Garo napapaturog an biktima, garo yaon sa hipnosis, asin tubod-tubod sana kun anong imanda saiya. Mala ta pwede an biktima hubaan na naoyon sanang lupigan, ipakua an saray na alahas o kwarta sa ATM, asin nakuyog sanang kun anong ipagibo. Asin an pinakagrabe kaini ta pagsunod na aldaw, mayong naroromdoman kan mga nakaaging pangyayari. ^[9]^[10]^[11]

Mga panluwas na takod

[2]Is Scopolamine the world's scariest drug? Digital Journal. Kinua 24-3-16.

Toltolan

↑ http://www.tkdlph.com/index.php/ct-menu-item-3/ct-menu-item-7/6391-kalampunay
↑ http://www.stuartxchange.org/Talampunay.html
↑ [1] Video kan epekto kan hostis. Kinua 24-3-16
↑ http://www.theguardian.com/society/shortcuts/2015/sep/02/devils-breath-aka-scopolamine-can-it-really-zombify-you Kinua 24-3-16
↑ http://www.digitaljournal.com/article/324779 Kinua 24-3-16
↑ Joint Formulary Committee (2013). British National Formulary (BNF) (65 ed.). London, UK: Pharmaceutical Press. pp. 49, 266, 822, 823. ISBN 978-0-85711-084-8.. Ingles wikipedya. Kinua 24-3-16
↑ Rossi, S, ed. (2013). Australian Medicines Handbook (2013 ed.). Adelaide: The Australian Medicines Handbook Unit Trust. ISBN 978-0-9805790-9-3.Ingles Wikipedya. Kinua 24-3-16
↑ http://www.tkdlph.com/index.php/ct-menu-item-3/ct-menu-item-7/6391-kalampunay
↑ http://www.digitaljournal.com/article/324779 Kinua 24-3-16
↑ https://www.youtube.com/watch?v=XRjRkud2ZII Kinua 24-3-16
↑ http://www.rense.com/general38/frug.htm Kinua 24-3-16

Sarong tamboan an artikulong ini. Makakatabang ka sa Wikipedia sa pagpoon kaining pahina.

[1] ttp://www.tkdlph.com/index.php/ct-menu-item-3/ct-menu-item-7/6391-kalampunay

[2] ttp://www.stuartxchange.org/Talampunay.html

[3] [1] Video kan epekto kan hostis. Kinua 24-3-16

[4] ttp://www.theguardian.com/society/shortcuts/2015/sep/02/devils-breath-aka-scopolamine-can-it-really-zombify-you Kinua 24-3-16

[5] ttp://www.digitaljournal.com/article/324779 Kinua 24-3-16

[6] Joint Formulary Committee (2013). British National Formulary (BNF) (65 ed.). London, UK: Pharmaceutical Press. pp. 49, 266, 822, 823. ISBN 978-0-85711-084-8.. Ingles wikipedya. Kinua 24-3-16

[7] Rossi, S, ed. (2013). Australian Medicines Handbook (2013 ed.). Adelaide: The Australian Medicines Handbook Unit Trust. ISBN 978-0-9805790-9-3.Ingles Wikipedya. Kinua 24-3-16

[8] ttp://www.tkdlph.com/index.php/ct-menu-item-3/ct-menu-item-7/6391-kalampunay

[9] ttp://www.digitaljournal.com/article/324779 Kinua 24-3-16

[10] ttps://www.youtube.com/watch?v=XRjRkud2ZII Kinua 24-3-16

[11] ttp://www.rense.com/general38/frug.htm Kinua 24-3-16

[1]

[2]

[3]

[4]

[5]

[6]

[7]

[8]

[9]

[10]

[11]