Honey Pearl Olleta

Si Honey Pearl Olleta an saro sa kadaklang estudyanteng  parasurat nin tula sa Bicol. Nag-eerok sa San Lucas Calabanga Camarines Sur. Siya ipinangaki kan Disyembre 11, 2002. Ika-tulo sa sampulong aki nina Amy Olleta asin Domingo Olleta. Nagklase nin elementarya sa Union Elementary School asin  sekondarya sa Jose Celis Prevosa Sr. National High School. Sa presente, nasa ika-tulong taon na siya sa kolehiyo na nagkua nin kursong Batsilyer ng Pansekondaryang Edukasyon Medyor sa Filipino sa Central Bicol State University of Agriculture -Calabanga Campus.

Si Honey Pearl nakasurat na nin tulong (3) tula asin mga dagli. Sa kamowotan na mabisto an saiyang talento sa pagsurat,siya minadayon sa manlaen-laen na kontes sa social media arog kan Facebook. Manungod sa pagkamoot an kadaklan sa saiyang nasurat.Saro sa saiyang naisurat an tulang "You are not just like a Moon" na saiyang pinakaenot na naisurat asin isinali sa kontes. Naging maigot si Honey Pearl sa pagsurat asin sa pagpapabisto kani.Ngunyan,pinapadagos niya an saiyang pagkamoot sa mga rawit, panurat, asin papel ta nganing an saiyang talento maeheras pa.