An Hoboken sarong siyudad sa Hudson County,New Jersey, Estados Unidos. Segun sa senso 2010 kan Estados Unidos, may populasyon ining 50,005 katawo.[1] An siyudad kaparte kan metropolitan na lugar kan Nweba York asin namomogtak igdi an Terminal Hoboken, sarong mayor na pongo nin transportasyon kan rona'. Igdi man sa Hoboken kinawat an pinakaprimerong kawat sa baseball sa bilog na Estados Unidos, asin igdi man makukua an pinakagurang na unibersidad teknikal sa Amerika, an Stevens Institute of Technology.

An Piyer A
An kinamogtakan kan Hoboken sa Hudson County
Pagdungaw kan Terminal Hoboken sa itaas

Enot ining pinagbanwa bilang parte kan Pavonia, kolonyang New Netherland kan ika-17ng siglo. Durante kan kaenotan kan ika-19ng siglo, an lugar na ini pinatalubo ni Koronel John Stevens enot bilang sarong resort, dangan komo sarong residensyal na estaran. Nagin sarong banwa kan 1849 asin pig'inkorporar bilang siyudad kan 1855. An waterfront kaini sarong integral na parte kan Pwerto nin Nweba York asin New Jersey asin hinaharongan kan mga mayor na industriya sa lawig kan ika-20ng siglo. An imahe kan siyudad luwayluway na naghira hale sa lugar nin mga ordinaryong mga trabahador pasiring sa lugar nin mga de kalidad na mga tindahan asin mga conmdominium. Parte an Hoboken kan New Jersey Gold Coast.


Toltolan baguhon

Mga panluwas na takod baguhon