Heograpiya kan Singapur

An Singapur iyo an islang syudad-estado asin nasyon sa kadagatan na Habagatan-Subangan na Asya, namomogtak sa puro kan Rawis kan Malay sa pag-ultanan kan Malasya asin Indonesya siring man an Itiot kan Malacca asin kan Dagat Habagatan na Tsina. Urbanisadong marhay iyan asin duruktan an mga edipisyo. Poon kan 2023, an Singapur igwa nin kabilugan na area nin daga na 734.3 square kilometres (283.5 sq mi). Nakasiblag an Singapur sa Indonesya sa paagi kan Itiot kan Singapur asin sa Malasya sa paagi kan Itiot kan Johor.

Sa heograpiya, an Singapur kompwesto kan saiyang kadagaan asin iba pang mga isla. An kadagaan kan Singapur igwa nin sukol na 50 kilometres (31 mi) gikan sa subangan pasiring sa solnopan asin 27 kilometres (17 mi) gikan sa amihanan pasiring sa habagatan na may 193 kilometres (120 mi) nin baybayon. Nakabase an mga pigurang iyan sa 2.515 metres (8 ft 3.0 in) High Water Mark cadastral survey na kasagkoran. Igwa iyan nin eksklusibong ekonomikong rona nin 1,067 km² (412 sq mi).